![«Ölkə adı: 22» romanı daha satılmır](https://turan.az/resized/750/500/resize/media/2016/main/093000170300.jpg)
«Ölkə adı: 22» romanı daha satılmır
Hazırda həbsdə olan AXCP sədrinin müavini Fuad Qəhrəmanlının həyat yoldaşı, yazıçı Zümrüd Yağmurun bir neçə ay qabaq satışa çıxarılan “Ölkə adı: 22” romanını daha mağazalar qəbul etmir. Bu barədə yazıçının özü facebook səhifəsində məlumat paylaşıb.
““Ölkə adı: 22” siyasi əsərdir. Romanda bir cəmiyyətdə əxlaqi və mənəvi dəyərlərin ən amansız şəkildə rejim və ona boyun əyənlər tərəfindən məhv edilməsini ağır dillə təsvir etməyə çalışmışam. Hər bir obraz əslində, simvollaşdırılıb. Diktator obrazı, ruhani lider, bu rejimə müxalif olanlar, heç nəyə qarışmayıb ancaq öz həyatını yaşamaq istəyənlər, ya da yaxşı yemək üçün mübarizə aparanlar, məmurlarla arasını yaxşı tutub bununla mövqe qazananlar… Bir sözlə, bir toplumun az qala bütün üzvlərini rejim və onun zülmünə biganəlik birləşdirərək eyniləşdirib. Romanda süjet sərtdir, hətta qəbuledilməzdir. Bir tərəfdə diktator, digər yanda ac insanların öz yaxınları olan gözəl qadınları yaxşı yemək əldə etmək üçün “satması”… Bu belə simvolikdir”, deyə yazıçı qeyd edib.
Z.Yağmur Turan-a bildirib ki, bu günlərdə oxucusu olan bir nəfər ondan bu romanı necə əldə edə biləcəyini soruşub. Yazıçı da kitabın satıldığı mağazaların ünvanını verib. Lakin oxucu yenidən yazıçı ilə əlaqə saxlayaraq həmin mağazalarda kitabı tapa bilmədiyini deyib. Bu dəfə mağazalarla yazıçının özü maraqlanıb. Əsərin yayımı ilə məşğul olan şəxs kitab dükanlarına baş çəkərək, yenidən onlara kitab vermək istəyəndə aydın olub ki, əsər satışdan çıxarılıb.
“Satışdan çıxarılan kitabları bizə qaytardılar. Səbəb olaraq göstərilir ki, əsərdə siyasi çalarlar var və hakimiyyət əleyhinə yazılıb. Əslində bu, gecikmiş addımdır, çünki “Ölkə adı: 22” onsuz da satılıb. Əldə az sayda nüsxə qalıb”, deyə o qeyd edib. -03B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz