Ölkənin aparıcı rusdilli nəşrinin çapı dayandırılıb
Azərbaycanın aparıcı rusdilli nəşri olan “Zerkalo” qəzeti maliyyə səbəblərindən çapını dayandırıb.
Bir neçə həftə öncə qəzetin redaktoru Elçin Şıxlı bildirmişdi ki, maliyyə səbəbləri ilə əlaqədar qəzet gündəlik nəşrdən həftəliyə keçir. Bunun səbəblərindən biri də qəzetin şərhçisi Rauf Mirqədirovun Ermənistanın xeyrinə casusluq kimi uydurma ittihamla həbs olunmasıdır.
Bundan dərhal sonra KİV-ə Dövlət Dəstəyi Fondu qəzetin maliyyələşdirilməsini dayandırıb ki, bu da nəşri çətin duruma salıb.
8 min tirajlı qəzet İnternet nəşr kimi fəaliyyətə başlayır. Bunun nə qədər belə davam edəcəyini və qəzetin əvvəlki vəziyyətinə qayıdıb-qayıtmayacağını söyləmək çətindir. Lakin şübhə yoxdur ki, ciddi maliyyə dəstəyi olmadan bunu etmək mümkün olmayacaq.
“Zerkalo”nun çapının dayandırılması Azərbaycanda KİV-in çiçəklənməsi, qanunun aliliyi, söz azadlığının və jurnalistlərin təhlükəsizlyinin təminatı barədə hakimiyyətin bəyanatları fonunda baş verir. Lakin hakimiyyət rəsmi təbliğatla razılaşmayanları və ya öz şəxsi fikrini söyləməyə cəsarəti olanları “Zerkalo”nun aqibəti gözlədiyini xatırlatmır.02В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz