Açiq mənbələrdən foto.
Bakı/06.05.21/Turan: “Gəncə işi”nin fiqurantlarının valideynlərindən ibarət bir qrup bu gün ombudsman Səbinə Əliyeva tərəfindən qəbul edilib.
Valideynlər övladlarının azad edilməsinə yardım göstərilməsini istəyiblər. Görüşdən sonra valideynlər söhbətin yekunlarından məmnunluqlarını ifadə ediblər.
“Bizi bu qədər səmimi heç kim qəbul etməmişdi. Bizə dedi ki, əlindən gələni edəcək, ərizə və müraciətlərimizi qəbul etdi. Həbsxanalarda övladlarımıza baş çəkəcəyinə söz verdi”, deyə görüş iştirakçılarından biri bildirib.
İşin fiqurantlarından biri - Firudin Zeynalov aclıq edir və ombudsmanın göstərişi ilə Ombudsman Ofisinin nümayəndələri ona baş çəkiblər.
* 2018-ci il iyulun 3-də Gəncənin o vaxtki icra başçısı Elmar Vəliyevə qarşı sui-qəsd törədilib. Gəncə sakini Yunis Səfərov onu və cangudənini yaralayıb. Bundan sonra iyulun 10-na Gəncə administrasiyasının binası qarşısında etiraz aksiyası təyin edilib. Həmin gün şəhərdə iğtişaşlar baş verib, iki polis əməkdaşı öldürülüb. Bunun ardınca dindarların və digər şəxslərin kütləvi həbsi başlayıb.
Bu hadisələrlə bağlı 70 nəfərə qarşı cinayət işi açılıb. Təqsirləndirilən şəxslər 6 ildən 18 ilə qədər azadlıqdan məhrum edilib. Təxminən 10 nəfər şərti azadlığa buraxılıb. Səfərovun və daha 11 nəfərin işi üzrə məhkəmə 2020-ci ilin yanvarında başlayıb. -30D06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz