Bakı/21.05.19/Turan: Baş Prokurorluğun Ağır Cinayətlərə dair İstintaq İdarəsi jurnalist Orxan Məmmədin xaricə çıxışına qoyulan qadağanı götürüb. Qadağa 2015-ci ildə "Meydan" TV-yə qarşı cinayət işi ilə əlaqədar tətbiq edilmişdi.
Məhdudiyyət qoyulduğu zaman O.Məmməd xaricdə olub və əsassız cinayət işindən ehtiyatlanaraq geri qayıtmayıb.
Mayın 21-də jurnalist Facebook səhifəsində yazıb ki, "sərhəddi keçməklə bağlı məhdudiyyət"in aradan qaldırılması barədə məktub göndərilib. Məktubu Baş Prokurorluğun Ağır Cinayətlərə dair İstintaq İdarəsinin rəisi Eldar Əhmədov imzalayıb.
Sənəddə qeyd olunub ki, "Meydan"TV-nin vəzifəli şəxslərinə qarşı cinayət işi ilə əlaqədar jurnalistin sərhəddi keçməsinə qoyulan məhdudiyyət aradan qaldırılıb.
"Son 4 ildə dünyanın 25-dən çox ölkəsinin 60-dan çox şəhərində olmuşam. Ancaq öz vətənimə gedə bilmirdim. Məhdudiyyətin aradan götürülməsindən sonra Azərbaycana gedə bilərəm", - jurnalist bildirib.
O qeyd edib ki, əvvəlki kimi işini davam etdirəcək.
"Jurnalistika cinayət deyil. Biz gücümüz yetdiyi qədər işimizi davam etdirəcəyik. Mövqeyimizdə heç bir dəyişiklik yoxdur, əksinə, daha peşəkarlıqla və prinsipiallıqla çalışmaq niyyətindəyik. Biz söz, ifadə və media azadlığı uğrunda mübarizlər olaraq qalırıq", - O.Məmməd bildirib.
Mayın əvvəlindən "Meydan" TV ilə əməkdaşlıq edən səkkiz jurnalistin üzərindən qadağa götürülüb.
Hazırda "Meydan" TV ilə əməkdaşlıq edən bir jurnalistə qarşı qadağa qüvvədə qalır, redaksiyadan bildiriblər.
Məhdudiyyətlər 2015-ci ildə Azərbaycanda korrupsiya haqda araşdırmaların dərcindən sonra "Meydan" TV-yə qarşı açılmış cinayət işi ilə əlaqədar tətbiq edilmişdi. 06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz