Bakı/24.09.18/Turan: Sentyabrın 23-də Bakı yaxınlığında Otman-Bozdağ palçıq vulkanında (Qaradağ dəmir yolu stansiyasından 5 km. şimal-qərbdə yerləşir) püskürmə baş verib.
Azərbaycan Ekologiya və Təbii Sərvətlər Nazirliyinin "Bakı və Abşeron yarımadasının palçıq vulkanları qrupu Dövlət Təbiət Qoruğu"nun direktoru Ceyhun Paşayev bildirib ki, bu gün səhər Bakı şəhəri Qaradağ rayonu ərazisində yerləşən, "Bakı və Abşeron yarımadasının palçıq vulkanları qrupu Dövlət Təbiət Qoruğu"na daxil olan Otman-Bozdağ palçıq vulkanında püskürmə olub.
Bir qədər sonra eyni ərazidə ikinci püskürmə qeydə alınıb. Hazırda püskürmə prosesi davam edir. Alovun hündürlüyü 200-300 metrdir. Ərazidə çoxlu sayda dərinliyi 40 metrə çatan çatlar yaranıb", - o bildirib.
Dünyanın ikinci böyük palçıq vulkanı olan Otman-Bozdağ vulkanında son püskürmə 2017-ci il fevralın 6-da baş verib.
Bu vulkan haqqında ensiklopedik məlumatlarda bildirilir ki, 1845-ci il yanvarın 22-də güclü püskürmə 3 saat davam edib. Bundan sonra vulkan 1904, 1951, 1965-ci illərdə püskürüb. 1965-ci il oktyabrın 1-də püskürmə bir saat yarım davam edib. Brekçiyanın (xaric olunan süxur) tutduğu sahə 10 kvadrat kilometrdən artıq olub. Növbəti püskürmə 12 dekabr 1994-cü ildə baş verib. Partlayış nəticəsində yaranmış alov sütununun hündürlüyü 60-70 metrə çatıb. Püskürmə nəticəsində uzunluğu 450 metr, eni 2 metr, dərinliyi 3 metr olan 3 ədəd nəhəng çat yaranıb. Vulkanın qeydə alınmış 8-ci püskürməsi 2004-cü ildə olub.
Sonuncu püskürmə 6 fevral 2017-ci ildə olub. Bu zaman vulkan iki fazada püskürüb. Partlayış zamanı alovun hündürlüyü təxminən 270-300 metrə çatıb. Onun krater sahəsindən qərbə və cənuba doğru eni 3-5 metr, uzunluğu kilometrlərlə ölçülən dərin çatlar əmələ gəlib. Vulkanın brekçiyası 10 hektar ərazini əhatə edib.-03D-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz