![Övladları orduda həlak olan valideynlər İlham Əliyevlə görüşmək istəyirlər](https://turan.az/resized/750/500/resize/media/2014/main/022700070773.jpg)
Övladları orduda həlak olan valideynlər İlham Əliyevlə görüşmək istəyirlər
Övladları “atəşkəs dövrü”ndə həlak olan bir qrup əsgər valideyni cümə axşamı RATİ-də mətbuat konfransı keçirib.
Əsgər valideynləri əsas məqsədlərinin dövlət başçısı İlham Əliyevlə görüşmək olduğunu deyiblər. Onların fikrincə, övladlarının ölüm faktları ilə bağlı istintaqın düzgün aparılmaması, ölüm səbəblərinin gizlədilməsi, vəfat edən əsgərlərin daxili orqanlarının çıxarılması və s. səbəblər bu görüşü zərurətə çevirir.
Müxtəlif səbəblər üzündən əsgərlərin ölüm hallarının davam etməsinə toxunan valideynlər buna son qoymaq üçün orduya ictimai vətəndaş nəzarətini gücləndirməyi təklif ediblər.
Valideynlər Bəyalı Əzizov, Səlbi Novruzova, Kifayət İsgəndərova övladlarının orduda vəfat etmələrilə bağlı istintaqların həqiqətədn tam uzaq bir yöndə getdiyini deyiblər. Hər dəfə istintaq orqanlarına etirazlarını bildirdikdə özlərinə qarşı laqeydlik gördüklərini vurğulayıblar. Valideynlər övladlarının ölüm faktlarına görə sıravi əsgərlərin istintaqa cəlb olunmasını əsassız sayıblar. Bu cinayətə yol verənlərin isə istintaqdan kənarda qaldıqlarını söyləyiblər. Onların fikrincə, bu aparılan istintaqlar ancaq baş aldatmaqdır və bunun başqa adı yoxdur.
Bütün bu məsələlərə aydınlıq gətrimək üçün dövlət başçısı İlham Əliyevlə görüşmək istədiklərini deyən valideynlər bu ölkədə sözünü dinləmək istədikləri başqa bir şəxsin qalmadığını ifadə ediblər. -05C-
-
- Cəmiyyət
- 27 Fevral 2014 16:53
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz