![Övladliğa götürmələr artıb](https://turan.az/resized/750/500/resize/media/2018/main/032900008825.jpg)
Övladliğa götürmələr artıb
Bakı/29.03.18/Turan: 2017-ci ildə Azərbaycanda uşaqların övladlığa götürülməsi artıb. Bu haqda Dövlət Statistika Komitəsinin məlumatında bildirilir.
Məlumata görə, ötən il Azərbaycanda 877 uşaq övladlığa götürülüb. Bu göstəricinin 2016-cı illə müqayisədə 13,5% çox olduğu bildirilir.
Əvvəlki ilə nisbətən övladlığa götürülən oğlanların sayında 15,9% artım olub. Qızların sayındakı artım isə 10,8% təşkil edib. Ötən il ümumilikdə 466 oğlan, 411 nəfər qız övladlığa qəbul edilib. Övladlığa götürülənlər 1-17 yaşlılardır.
2017-ci ildə övladlığa götürülmüş 3 yaşa qədər olan uşaqların sayı 19,7, 3-5 yaşlı uşaqlarda 7,5, 6-10 yaşlı uşaqlarda 9,9, 11-17 yaşlı uşaqlarda isə 7,3% artım müşahidə olunub.
Ötən il 420 nəfər 3 yaşa qədər olan, 172 nəfər 3-5 yaşlı, 167 nəfər 6-10 yaşlı, 118 nəfər 11-17 yaşlı uşaq övladlığa götürülüb.
2017-ci ildə Azərbaycanda əcnəbilər və vətəndaşlığı olmayan şəxslər 28 uşağı övladlığa götürüblər. Onlardan 12-i qız olub.
Ötən il məhkəmələr tərəfindən övladlığa götürülmənin ləğv edilməsi haqda qərarların sayı da azalıb. Belə məhkəmə qərarları 7,9% azalıb, il ərzində 58 övladlığa götürmə ləğv edilib.-06D--
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz