Bakı Rusiyadan keyfiyyətsiz silahların alınması barədə məlumatları təkzib edir
Bakı/29.03.18/Turan: Azərbaycan Müdafiə Nazirliyi Rusiyadan keyfiyyətsiz silahların alınması barədə bir sıra Rusiya və Belarus KİV-də yayılan məlumatları təkzib edib.
"Rəsmən bəyan edirik ki, bu kimi xəbərlər həqiqətəuyğun deyil və onların yayılması təxribat xarakteri daşıyır", - nazirliyin bəyanatında deyilir.
Məlumatda bildirilir ki, Müdafiə Nazirliyi müəyyən istehsalçı ölkələrdən müxtəlif növ silahların alınmasına xüsusi diqqət yetirir. Ən yaxşı, keyfiyyətli və effektiv hərbi vasitələr diqqətlə seçilir.
"Azərbaycan ordusunun silahlanmasına qəbul edilən Rusiya istehsalı olan yeni silahlar müasir silah sistemlərinin yüksək tələblərinə cavab verir, müdafiənin ön xəttində döyüş tapşırığı yerinə yetirən bölmələrimizin manevr və atəş imkanlarını xeyli artırır", - məlumatda vurğulanır.
Xatırladaq ki, Rusiyadan keyfiyyətsiz silahların alınması haqda məlumat Belarusun bekprauda.org nəşrində yayılıb.
Mənbəyə görə, Bakı Moskva ilə hərbi-texniki əməkdaşlığın vəziyyətindən və keyfiyyətindən çox narazıdır Belarusda bu əməkdaşlığa alternativ axtarmağa çalışır.
Belə ki, ötən ilin sonlarında hərbi-texniki əməkdaşlıq üzrə Rusiya-Azərbaycan komissiyasının qapalı iclası zamanı Bakı bu barədə məsələ qaldırıb. Rusiya silahlarının keyfiyyəti ilə bağlı xeyli iradlar irəli sürülüb. Bunlar T-90S tankı, BMP-3, BTR-82, SAU "Msta-S", PSZO "Smerç", ZRK "Top-M2" və digər silahlarla bağlı olub. Göndərilən texnikanın vəd edilən standartlara uyğun olmadığından, məhsulların çoxunun zay olmasından, texniki sənədləşmənin, komplekt dəstlərin olmamasından danışılıb.
Azərbaycan tərəfi qeyd edib ki, PSZO "Smerç" üçün raketlər atəş zamanı partlamır, BTR-82А pulemyotları üçün sursatlar hədəfə çatmır, Mi-35 vertolyotlarında mühərrikin işə düşməsi zamanı nasazlıq yaranır, raketlər tərəfindən atəş sistemi pozulub və s. Belarus nəşrinin məlumatında deyilir.-02D-
-
- Cəmiyyət
- 29 Mart 2018 16:50
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz