Özünü Yunis Səfərovun həyat yoldaşı kimi təqdim edən qadın: �Elmar Vəliyev Allahın rizası ilə Yunisin əliylə cəzalandırılıb�

Gəncə Şəhər İcra Hakimiyyətinin başçısı Elmar Vəliyev sağdır, iyulun 3-də aldığı güllə yarısı yüngüldür. E.Vəliyev sui-qəsddən sonra mətbuat ilə əlaqə saxlayıb, bildirib ki, özünü qənaətbəxş hiss edir. E.Vəliyevin ölümü barədə şayiələr həqiqətəuyğun deyil", - cümə axşamı KİV bildirib. Turan agentliyi E.Vəliyevə atəş açan Rusiya vətəndaşı Yunis Rafiq oğlu Səfərovun şəxsiyyətini öyrənib. "Moskva soyadları" məlumat kitabçasında o, iki dəfə qeydiyyatdan keçib:

Səfərov Yunis Rafiq oğlu 26 sentyabr 1983 34 yaş 26.09.1983
Səfərov Yunis Rafikoviç 26 sentyabr 1983 34 yaş 26.09.1983

Facebook və V Kontakte sosial şəbəkələrində Y.Səfərovun profili aşkar edilməyib.

RF YHTDM-in məlumat bazasında Səfərov Yunis Rafiq oğlunun adına avtomobillə bağlı dörd əməliyyat aparılıb. O, Moskva, Demyan Bednıy küçəsi, ev 18, korpus 3, mənzil 8-də yaşayıb.

2004 və 2005-ci illərdə 1987 və 1989-cu il buraxılışlı VAZ-21043 və VAZ-21073 avtomobillərini qeydiyyata aldırıb və çıxarıb. Y.Səfərovun telefonu:1917213

Mətbuatda bildirilib ki, Gəncə rəhbərinə sui-qəsd Y.Səfərovun şəxsi qisası zəminində törədilib. O, şəxsi şikayətlə Gəncə İcra Hakimiyyətə gələn hamilə bacısı ilə kobud davranan məmuru cəzalandırmaq qərarına gəlib. Lakin "13 kanal tv" İnternet nəşri audioyazı yayıb. Kanalın bildirdiyinə görə, saxlanılan şəxsin Rusiyada yaşayan xanımı Şərafət Səfərova ilə telefon söhbəti qeydə alınıb: Ş.Səfərovanın videosu və foto təsviri yoxdur, ancaq telefonda səsi eşidilir. 13 dəqiqə ərzində Ş.Səfərova savadlı şəkildə Azərbaycan ədəbi dilində və azacıq Gəncə ləhcəsi ilə Yunis haqqında danışır. Sual verənin səsi eşidilmir Videoyazını bu ünvanda izləmək olar:

https://www.youtube.com/watch?v=YdWoQvJqIt

Qadın adını və soyadını açıqlayır, iki uşaq anası olduğunu bildirir. Bir ildən çoxdur ki, Yunislə yaşamır. Ali təhsilli hüquqşünas olan Yunus dinlə məşğul olduğuna görə ailəsini buraxıb. O, Y.Səfərovun təhqir edilmiş bacısının qisasını alması barədə versiyanı yalan adlandırır. Bildirir ki, saxlanılan şəxsin bacısı xaricdə (Rusiyada deyil) yaşayır və 9 il Azərbaycanda olmayıb. "Yalan məlumat yayanlar ictimaiyyətin diqqətini gəncəlilərin Vəliyevə olan nifrətindən yayındırmağa çalışırlar, diqqəti Vəliyevlə Səfərov arasındakı şəxsi düşmənçiliyə yönəldirlər. Allah şahiddir ki, bu, belə deyil", - o bildirib.

Səfərovlar ailəsi 15 ildən çoxdur ki, Rusiyada yaşayır, hamısı bu ölkənin vətəndaşlarıdır. Gəncəyə çox az-az gəlirlər. Yunis kifayət qədər imkanlıdır, valideynlərindən ona ev qalıb, avtomobili var. O, İnternetdə Azərbaycan haqqıında məlumatları hər zaman oxuyurmuş və həmişə E.Bəliyevin əməllərindən qəzəblənirmiş. "Bacısı deyir ki, dindar şiə müsəlman olan Yunis Azərbaycanda müsəlmanların həbs edilməsini pisləyirdi, "qardaşlar həbsdə əziyyət çəkdiyi bir vaxtda" özünü azadlıqda ümumi işə xəyanət etmiş kimi hesab edirdi.

Yunis biləndə ki, E.Vəliyev gəncəliləri, müsəlmanları, yolu təmir edən fəhlələri təhqir edir, imam Hüseynə qarşı təhqiramiz ifadələr işlədir, Aşura günündə şəhərdə tədbir təşkil edərək müsəlmanların matəm gününü qeyd etməsinə mane olur, çox qəzəblənmişdi. E.Vəliyev dəfələrlə imam Hüseynin Gəncədə İmamzadə məscidində asılmış plakatlarını cırıb. Aşura günü E.Vəliyev Gəncədə şərab bayramı keçirib, başqa bir vaxt şənbə gününə düşən Aşura günündə məktəblərdə dərs keçilməsinə göstəriş verib ki, uşaqlar məscidə gedə bilməsinlər, məsciddən azan səsinin azaldılmasına göstəriş verib.

Yunisin məqsədi E.Vəliyevdən qisas almaq, Allah adına onu cəzalandırmaq olub, qadın telefonla bildirib. O, tez-tez Allahı və imam Hüseyni yada salır. Deyir ki, Yaradanın göstərişilə hərəkət edən "həyat yoldaşının əməli" ilə fəxr edir.

"Ona Allah kömək edib. Yunus öz hərəkəti ilə sübut etdi ki, tək əldən də səs çıxar, yəni, hər kəs hərəkət edə bilər, Allah ona yardım edəcək", - o qeyd edib.

"Yunis xalqın və imam Hüseynin təhqir edilməsinə görə qisas alıb. Dünəndən bütün azərbaycanlılar və gəncəlilər kimi mən də baş verənlər haqda oxuyuram. Vəliyev günahkardır, Allahın rizası ilə Yunisin əliylə cəzalandırılıb", - özünü Y.Səfərovun həyat yoldaşı kimi təqdim edən qadın bildirib.

İyulun 3-də saat 20:30-da Gəncədə şəhər univermağının qarşısında Yunis Səfərov Gəncə Şəhər İcta Hakimiyyətinin başçısı Elmar Vəliyevə və onun mühafizəçisinə atəş açıb. E.Vəliyev Gəncə Mərkəzi Klinik Xəstəxanasına yerləşdirilib. CM-in 29, 120.2.7 (iki və daha çox şəxsə qarşı sui-qəsd) və 228-ci (qanunsuz odlu silah gəzdirmə) maddələri ilə cinayət işi açılıb. Cinayətin motivi kimi ailənin və bacısının şərəfinin qorunması göstərilir. Həmçinin bildirilir ki, Y.Səfərov polis əməkdaşına hücum etdiyinə və tapança oğurladığına görə axtarışda olub. Hüquq-mühafizə orqanları Y.Səfərovu radikal islama meylli kimi xarakterizə edirlər.