Bakı/21.06.18/Turan: Çərşənbə günü Yevlax Şəhər Xəstəxanasına ürəkbulanma, qusma, halsızlıq əlamətləri ilə 25 nəfər daxil olub. Bu barədə Turan-a Tibbi Sığorta Agentliyinin (TSA) mətbuat xidmətindən bildiriblər. İki nəfər evə buraxılıb, qalan 23 nəfər terapiya şöbəsində yerləşdirilib, onların müalicəsi davam edir.
Mətbuat xidmətindən bildiriblər ki, sözügedən şəxslərin zəhərlənməsinin səbəblərini müəyyən etmək mümkün olmayıb. Bakı Toksikoloji Mərkəzində analizlərin laborator yoxlanmasından sonra dəqiq diaqnoz qoyulacaq.
Qeyri-rəsmi məlumatlara görə, xəstəxanaya müraciət edənlər pambıq tarlasında kimyəvi maddələrdən zəhərlənib. Onların səkkizi uşaqdır.
Bu, iyunun 10-dan bu yana Azərbaycanın pambıq tarlalarında dördüncü kütləvi zəhərlənmə halıdır.
İyunun 10-da Saatlı rayonunda 24 nəfər zəhərlənib.
İyunun 16-da Tərtərdə tarlada 14 nəfər zəhərlənib.
İyunun 19-da İmişli rayonunda pambıq tarlasında çalışan 141 nəfər yerli xəstəxanaya müraciət edib. Hazırda İmişli xəstəxanasında 10 nəfər var, onların vəziyyəti qənaətbəxşdir. Bu barədə müəssisənin baş həkimi Cəsur Paşayev bildirib. O, zəhərlənmənin səbəbləri barədə danışmağa çətinlik çəkib.
"Ekspertiza Mərkəzi analizləri prokurorluğun nəzarəti altında götürüb. Nəticələr məlum olanda səbəblər açıqlanacaq", - C.Paşayev qeyd edib.
Hakimiyyət zəhərlənmə halları ilə bağlı susur. Ancaq hələ sovet dövründə Azərbaycanın kənd təsərrüfatı üçün zərərli və dağıdıcı kimi qəbul edilən pambıqçılığın 30 ildən sonra bərpasını qərara alan hakimiyyətin müdrik siyasətindən danışılır.-06D--
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz