Paşinyan Ermənistanla Qarabağı �birləşdirib�

Bakı/06.07.19/Turan: Dağlıq Qarabağda Ümumerməni İdman Oyunları keçirilir. Bazar ertəsi Oyunların açılışında çıxış edən Ermənistanın baş naziri Nikol Pashinyan deyib ki, "Arsax" Ermənistandır, vəssalam". Paşinyanın Azərbaycanla danışıqlarda məqsədi "Qarabağ xalqının özünü təyinetmə hüququnu reallaşdırması vasitəsilə əldə olunan nəticələrin möhkəmləndirilməsidir". Nizamlanmaya dair istənilən qərar "yalnız Ermənistanda və Qarabağda ümumxalq dəstəyi ilə qəbul edilə bilər".

Baş nazirin nitqində "qarabağlılar", icevanlılar", "gümrülülər" anlamından çəkinməyə, erməni ordusunun dünyanın 20 güclü ordusunadək möhkəmlənməsinə, effektivliyinə görə dünyanın ən güclü xüsusi xidmət onluğuna daxil olan xüsusi xidmətin yaradılmasına çağırışlar səslənib.

"Biz məsələnin sülh yolu ilə həllinə tərəfdarıq. Bizim üçün Ermənistanın və Arsaxın təhlükəsizliyinin möhkəmləndirilməsi mütləq prioritet olaraq qalır", - baş nazir deyib.

Onun çıxışı Azərbaycanda mütəxəssislər tərəfindən fəal müzakirə olunur. Hərbi ekspert Üzeyir Cəfərov Facebook-da yazır ki, "Paşinyan son sözünü dedi". Ü.Cəfərov bu sözlərdən sonra Paşinyanla danışıqlar masasına oturacaq hər kəsi lənətləyib və Azərbaycanın çox radikal və gözlənilməz addımlar atacağını proqnozlaşdırıb. "Heç kim və heç nə onun qarşısını ala bilməyəcək". Ü.Cəfərov rəsmi Bakının və ATƏT-in Minsk Qrupunun reaksiyasını gözləyir.

Milli təhlükəsizlik üzrə keçmiş əməkdaş İlham İsmayıl Azərbaycan Təhlükəsizlik Şurasının təcili toplanmasını vacib sayır. Lakin sonra qeyd edir ki, TŞ-ni çağırmaq mümkün deyil, çünki onun üzvləri xaricdə dincəlirlər.

Politoloq Elxan Şahinoğlu Facebook-da yazır ki, Bakı beynəlxalq təşkilatlardan Paşinyanın açıqlamasına münasibət bildirməyi tələb etməlidir. Çünki baş nazirin "Dağlıq Qarabağ Ermənistana birləşdirilməlidir" ideyasını səsləndirməsi faktiki danışıqlardan imtina edilməsi, atəşkəsin intensiv pozulması deməkdir, o cümlədən Azərbaycanla müharibə ehtimalını artırır.

İkincisi, politoloq Bakının Paşinyana belə cavab verməsini məntiqli sayır: "Əgər Dağlıq Qarabağ Ermənistandırsa, Ermənistan da Azərbaycandır".

Ümumilikdə, E.Şahinoğlu Paşinyanın çıxışının daxili auditoriyaya hesablanmış, hətta hökumət başçısının ermənilərlə məzələnməsi kimi dəyərləndirilməsini təklif edir. Belə ki, həmin çıxışda baş nazir onların qarşısına mümkün olmayan vəzifələr qoyur:

- 2050-ci il üçün Ermənistan əhalisinin sayını 5 milyona çatdırmaq;

- Ermənistanda 1.5 milyon iş yeri yaratmaq;

- Orta aylıq əməkhaqqını 7 dəfə, səhiyyənin maliyyələşdirilməsini 20 dəfə artırmaq;

- Ermənistanın futbol üzrə dünya çempionu olması;

- Ermənistana hər il 15 milyon turistin gəlişini təmin etmək.

"Arsax Ermənistandır, vəssalam!" - bu fraza baş nazirin Dağlıq Qarabağda son çıxışı ilə bağlı Ermənistan və xarici mətbuatda bir çox yazıların başlığıdır.

Paşinyan öz çıxışında ümummilli strateji məqsədlərin işçi variantını müzakirəyə çıxarıb ki, Ermənistan Respublikası 2050-ci ilədək bu vəzifələri həll etməlidir.

Azərbaycan XİN Paşinyanın çıxışını şərh etmir. XİN-in saytında buna reaksiya yoxdur. Ölkə rəhbərlərindən heç kim Paşinyanın çağırışına reaksiya verməyib.

Azərbaycanda hakimiyyətyönlü KİV-in ümumi mövzusu baş nazirin müavini Əli Əhmədovun yerli müxalifətlə bağlı bəyanatıdır. Onun sözlərinə görə, müxalifət Azərbaycana qarşı qarayaxma kampaniyası aparmaq üçün xarici qüvvələrlə birləşib.