Bakı/06.08.19/Turan: Dünən Qəbələ rayonunun Zərgərli kəndində yerli sakin Həsən Əsgərovun toy mərasimi zamanı kütləvi zəhərlənmə baş verib. 500 qonaqdan 89-u, o cümlədən 8 həddi-buluğa çatmamış vətəndaş zəhərlənib.
Rayon polis şəbəsinin və prokurorluğunun əməkdaşları Qida Təhlükəsizliyi Agentliyinin regional şöbəsinin nümayəndələri ilə birlikdə hadisə yerinə baxış keçiriblər, yoxlama üçün qida nümunələri götürüblər.
Faktla bağlı CM-in 200.3 (qəsdən keyfiyyətsiz məhsulların istehsalı, satışı, onların keyfiyyətinin pis olmasının gizlədilməsi, ehtiyatsızlıqdan sağlamlığa az ağır və ya ağır ziyan vurulmasına səbəb olduqda) və 314.1-ci (səhlənkarlıq) maddəsi ilə cinayət işi açılıb, ekspertizalar təyin edilib.
İlkin araşdırmaya əsasən, qonaqların vəziyyəti müxtəlif növ qida və içki qəbulundan sonra pisləşib. Onlar dərhal rayon xəstəxanasına və diaqnostika mərkəzinə çatdırılıb. 88 nəfər tibbi yardım göstərildikdən sonra evə buraxılıb, bir nəfər xəstəxanada saxlanılıb.
Təqsirkarların müəyyən edilməsi və məsuliyyətə cəlb edilməsi üzrə tədbirlər görülür, bu barədə Qida Təhlükəsizliyi Agentliyinin məlumatında deyilir. -06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz