![Niyə İtaliya səfirliyindən viza almaq bu qədər çətindir?](https://turan.az/resized/media/2019/main/080600020734-750-500-resize.webp)
Niyə İtaliya səfirliyindən viza almaq bu qədər çətindir?
Bakı/06.08.19/Turan: Vətəndaş Raul Əliyev İtaliyanın Bakıdakı səfirliyindən şikayətlə Turan agentliyinə müraciət edib. Səfirlikdə vətəndaşların viza müraciətlərinə cavabları gecikdirirlər və müəyyən edildiyi kimi 10 təqvim günündə cavab vermirlər. Bundan başqa, vətəndaşların pasportları xeyli gec qaytarılır.
Əliyev hesab edir ki, İtaliya səfirliyi Azərbaycan və Aİ arasındakı Sazişin 7-ci maddəsinin 1-ci bəndinin tələblərinə riayət etmir. Bu bəndə əsasən, viza verilməsi üzrə qərar ərizənin daxil olduğu gündən etibarən 10 təqvim günü ərzində qəbul edilməlidir.
Müraciətlərin və sənədlərin qəbulu ilə İtaliya Viza Mərkəzi ("VisaMetric") məşğul olur.
"Mərkəzdə vətəndaşlara əsaslı cavablar verilmir. Onlar deyirlər ki, bu məsələ onlardan asılı deyil və İtaliya səfirliyinə müraciət etmək lazımdır.
Səfirliyə zəng edib düşmək olmur, telefonlara cavab vermirlər, oraya gəldikdə isə qəbul etmirlər", deyə Əliyev yazır.
Öz növbəsində, "VisaMetric"dən Turan-a bildiriblər ki, şikayət əsassızdır və müraciətlərə baxılma müddəti 10 gün deyil.
"Müraciətlərə 30 günlük müddətin başa çatmasına 1 gün qalmış cavab verilə bilər. Kiminsə müraciətinə tez, kiminsə müraciətinə gec baxıla bilər. Pasportlara gəlincə, onlar İtaliya səfirliyinə verilir və orada saxlanılır", deyə Mərkəzdən bildiriblər.
İtaliya səfirliyindən Turan-ın müxbirinə bildiriblər ki, viza müraciətlərinin baxılmasında gecikmələr müraciətlərin sayının çox olması ilə bağlıdır. Şengen turist vizaları ilə yanaşı, çox sayda təhsil vizası üçün müraciət var.
Bundan başqa, pasportlar və digər sənədlər "VisaMetrik" Mərkəzi vasitəsilə daxil olur və qaytarılır, bu da vaxt aparır.
"Amma, istənilən halda, viza müraciətlərinə uçuş tarixinə qədər baxılır", deyə səfirlik nümayəndəsi bildirib. -06D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz