![Pasporta görə rüsumlar artıb](https://turan.az/resized/media/2017/main/120200006001-750-500-resize.webp)
Pasporta görə rüsumlar artıb
Bakı/02.12.17/Turan: Cümə günü Milli Məclis Azərbaycanda ümumvətəndaş pasportunun və şəxsiyyət vəsiqəsinin itirilməsi, korlanması ilə əlaqədar bu sənədlərin yenidən verilməsinə görə rüsumları artırıb. Bununla əlaqədar "Dövlət rüsumu haqqında" qanuna dəyişiklik edilib.
Dəyişikliklərə əsasən, şəxsiyyət vəsiqəsinin yenidən verilməsinə görə rüsum sənəd 10 iş günü ərzində verildikdə 5 manatdan 15 manata, 3 iş günü ərzində verildikdə 25 manatdan 35 manata, 1 iş günü ərzində verildikdə isə 35 manatdan 45 manata qaldırılıb.
Ümumvətəndaş pasportunun yenidən verilməsinə görə rüsumun məbləği sənəd 10 iş günü müddətində verildikdə 1 yaşa qədər uşaqlar üçün 20 manat (hazırda 10 manatdır), 1 yaşdan 3 yaşa qədər uşaqlar üçün 30 manat (hazırda 20 manatdır), 3 yaşdan 18 yaşa qədər uşaqlar üçün 40 manat (hazırda 30 manatdır), 18 yaşdan yuxarı vətəndaşlar üçün 50 manat (hazırda 40 manatdır) müəyyən edilib.
Pasport 5 iş günü ərzində verildikdə 1 yaşa qədər uşaqlar üçün 30 manat (hazırda 20 manatdır), 1 yaşdan 3 yaşa qədər uşaqlar üçün 50 manat (hazırda 40 manatdır), 3 yaşdan 18 yaşa qədər uşaqlar üçün 70 manat (hazırda 60 manatdır), 18 yaşdan yuxarı vətəndaşlar üçün isə 90 manat (hazırda 80 manatdır) ödəniləcək.
Pasport 1 iş günü müddətində verildikdə 1 yaşa qədər uşaqlar üçün 50 manat (hazırda 40 manatdır), 1 yaşdan 3 yaşa qədər uşaqlar üçün 90 manat (hazırda 80 manatdır), 3 yaşdan 18 yaşa qədər uşaqlar üçün 130 manat (hazırda 120 manatdır), 18 yaşdan yuxarı vətəndaşlar üçün isə 170 manat (hazırda 160 manatdır) ödəniləcək.--0--
-
- Cəmiyyət
- 2 Dekabr 2017 12:29
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz