Bakı/23.09.19/Turan: Jurnalist Əfqan Muxtarlı sentyabrın 22-də 6 saylı cəzaçəkmə müəssisəsinin rəhbərliyinə aclığa başladığı barədə rəsmi məlumat verib. Bu barədə Turan-a Penitensiar Xidmətin İctimaiyyətlə Əlaqələr şöbəsindən bildiriblər.
İdarədən qeyd ediblər ki, Muxtarlı sentyabrın 23-dən aclığa başlayıb və qaydalara əsasən, o, digər məhbuslardan təcrid ediləcək.
Mənbənin məlumatına görə, Muxtarlının vəziyyəti normaldır.
Öz növbəsində, jurnalistin həyat yoldaşı Leyla Mustafayeva bildirib ki, əri iki gündür aclıq edir. O, ikinci növ şəkərli diabet xəstəsidir və dərman qəbul etməkdən imtina edib.
Dünən Muxtarlının vəkili Nemət Kərimliyə fiziki təzyiqə və onun qeydlərinin məxfiliyinin pozulmasına etiraz əlaməti olaraq aclığa başlaması barədə bəyanatı yayılıb.
** Araşdırmaçı jurnalist Əfqan Muxtarlı 2017-ci ilin mayında Tbilisidə oğurlanıb, gizlicə Azərbaycana göndərilib və həbs edilib. Sonradan məhkəmə onu qaçaqmalçılıq və sərhədçiyə qarşı güc tətbiq etmək ittihamı ilə 6 il müddətinə azadlıqdan məhrum edib.
Beynəlxalq Amnesty İnternational təşkilatı Muxtarlını "vicdan məhbusu" kimi tanıyıb. -B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz