Bakı/23.09.19/Turan: "Baxmayaraq ki, oğlum Rafaelin inzibati həbs müddəti sentyabrın 17-də başa çatıb, üstündən əlavə 6 gün də keçir, onu hələ də Binəqədi Müvəqqəti Saxlama Təcridxanasından azad etməyiblər". Bunu ictimai fəal Rafael Hüseynzadənini atası Füzuli hüseynov bildirib.
F.Hüsenyov deyir ki, sentyabrın 2-dən inzibati həbsə alınan oğlu ilə saxlandığı müddət ərzində telefonla əlaqə saxlaya bilməyib: "Yəqin ki, onu evlə əlaqə saxlamğa qoymayıblar. Halbuki bu təcridxanda saxlanmaının ilkin şərtidir ki, şəxs təcridxanaya yerləşdirildikdən sonra evlə, ailəsilə əlaqə saxlamalıdır".
F.Hüseynov deyir ki, yalnız bir dəfə vəkili Cavad Cavadov təcridxanada Fafel Hüseynzadə ilə görüşüb və səhhətinin normal olduğunu ailəyə bildirib".
Hələlik qarşı tərəf F.Hüseynovun bu açıqlamasına cavab verməyib.
F. Hüseynov sentyabrın 3-də bildirmişdi ki, oğlunu polis idarəsinin qarşısında səs-küy salaraq ictimai qaydanı pozmaqda günahlandırıblar.
Rafael Hüseynzadə avqustun sonlarında polisin süründürməçiliyinə və işə qəbul edilməməsinə etiraz olaraq Bakının Nəsimi rayonu ərazisində təkbaşına aksiya keçirib. Ailəsi Hüseynzadənin həbsinin bununla əlaqəli olduğunu iddia edir.
"Rafael Hüseynzadə bir ay öncə Abşeron rayonunun Məhəmmədli kəndində təzyiqə məruz qalıb, xəsarət alıb. O polisə şikayət edib, ekspetizadan keçib,Sentyabrın 2-də sahə müvəkkili Rəfael Hüseynovu zərərçəkən qismində Abşeron rayon Polis İdarəsinə dəvət edib. Beləliklə o polisdə saxlanılıb və məhkəmə barəsində inzibati həbs qərarı verib" F. Hüseynov bildirir.
R.Hüseynzadə bundan öncə 2019-cu il yanvarın 25-də və martın 2-də siyasi məhbuslara azadlıq tələbi ilə təkbaşına aksiya keçirərkən saxlanılıb, inzibati həbsə məhkum edilib.
Xatırladaq ki, Azərbaycanda "tək adam" aksiyası termini Rafaelin atası Füzuli Hüseynovla bağlıdır. Belə ki, Füzuli Hüseynov siyasi məhbuslara azadlıq tələbi ilə plakatlar qaldıraraq aksiyalar keçirdiyinə görə azı iki dəfə inzibati həbsdə olub, bir neçə dəfə cərimə olunub və ona xəbərdarlıq alıb.Yanvarın 25-də isə Rafael Hüseynzadə "Siyasi məhbuslara azadlıq", "Rədd olsun İlham Əliyev" şüarları yazılmış plakat qaldırarkən polis tərəfindən saxlanılıb, 30 sutka inzibati cəza alıb-05B-.
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz