Bakı/24.09.19/Turan: Vəkil Nemət Kərimli bilərəkdən Penitensiar Xidmətin fəaliyyəti haqqında ictimaiyyətdə mənfi rəy formalaşdırmağa cəhd edib, "Vəkillərin davranış qaydaları haqqında Əsasnamə"nin tələblərini pozub. Bununla əlaqədar Penitensiar Xidmət tərəfindən həmin vəkil barəsində qanunamüvafiq tədbirlərin görülməsi üçün Vəkillər Kollegiyasına müraciət olunub.
Bu barədə Penitensiar Xidmət məlumat yayıb.
Məlumatda deyilir ki, son günlər məhkum Əfqan Muxtarlının vəkili Nemət Kərimlinin cəzaçəkmə müəssisəsində müvəkkili ilə görüşə gəldiyi zaman onun üzərində qanunsuz axtarış aparıldığı və guya müəssisə əməkdaşlarının onunla sərt davrandıqları barədə həqiqətə uyğun olmayan bəyanat yayılıb.
"Nemət Kərimli cəzaçəkmə müəssisələrinə buraxılış qaydalarını və qanunvericiliyin tələblərini bildiyi halda, sonuncu dəfə məhkum Əfqan Muxtarlı ilə görüşdən əvvəl və sonra mövcud rejim qaydalarına riayət etməyib, əməkdaşların qanuni tələblərinə tabe olmayıb, süni olaraq münaqişəli vəziyyət yaratmağa çalışıb. Görüşdən sonra öz hərəkətlərinə siyasi don geyindirərək baxış prosedurunu "45-50 dəqiqə girov saxlama" kimi qiymətləndirməyə çalışan Kərimli, guya qanunsuz hərəkətlərə məruz qaldığını qeyd edərək, əməkdaşların onunla davranışını təhrif edilmiş formada öz maraqlarına uyğun ictimailəşdirib", deyə Penitensiar Xidmət bildirir.
Vəkil Nemət Kərimli "Amerikanın Səsi"nə bildirib ki, Penitensiar Xidmətin yaydığı məlumat yalandır.
"Zorakılığa məruz qalmağımla bağlı artıq Sabunçu rayon Prokurorluğuna, Baş Prokurora və Penitensiar Xidmətə şikayət etmişəm. Mən cəzaçəkmə müəssisəsinə daxil olarkən bütün hərəkətlərim oradakı video kamerada əks olunub. Əgər, qanunvericliyin tələblərini pozmuşamsa həmin video çəkilişi prokurorluğa və Vəkillər Kollegiyasına təqdim etsinlər", deyə vəkil qeyd edib. -03B-
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz