Bakı/24.09.19/Turan: 2019-cu ildə dövlət büdcəsindən ölkənin ali məktəblərinə maliyyə yardımı ayrılıb. Ən çox vəsait ADA Universitetinə verilib - 17 milyon 556 min manat.
Beynəlxalq ali məktəblərin filiallarına da maddi dəstək verilib: MDU-nun filialı 11 mln. 530 min manat, Moskva Dövlət Tibb Universitetinin filialı isə 5 mln. 399 min manat alıb.
Xarici ali məktəblərin filialları ilə müqayisədə yerli universitetlərə dövlət büdcəsindən daha az vəsait ayrılıb.
Belə ki, Azərbaycan Tibb Universitetinə 1 mln. 263 min manat, Bakı Dövlət Universitetinə 720 min manat ayrılıb.
Təhsil məsələləri üzrə ekspert Kamran Əsədov hesab edir ki, dövlət universitetləri büdcədən ümumiyyətlə yardım almamalıdır.
2011-ci ildən ali məktəblər özünümaliyyələşdirmə rejiminə keçirilib.
Dövlət ali məktəbləri publik hüquqi şəxslərdir, muxtariyyətə malikdirlər. Buna görə onlar dövlətdən yardım almamalıdır. BDU-nun 26 min tələbəsi var, onlardan 18 minə yaxın ödənişli əsaslarla təhsil alır. Hərəsi ildə minimum 2500 manat pul ödəyəndə, universitetin büdcəsində 45 milyon pul daxil olur.
Amma ADA Universiteti və Moskva universitetlərin filialları isə publik şəxs deyil, onların tələbə kontinqenti o qədər də geniş deyil və büdcədən ayrılan vəsaitlər dotasiya şəklində onların yeni korpusların tikintisinə ayrılıb, deyə Əsədov bildirib.
O, həmçinin qeyd edib ki, Azərbaycan universitetlərin heç biri dünya reytinqlərində ya yoxdur, ya da çox aşağı pillədə qərarlaşıb.
"Amma MDU və MDTU dünya reytinqlərində yüksək yerləri tutan universitetlərdir və Azərbaycanda rəqabət mühitini formalaşdırmalıdılar", ekspert belə hesab edir.
Bu fikirlə heç də hamı razı deyil.
Xarici ali məktəblərə və hakimiyyətə yaxın hesab edilən ADA universitetinə vəsait ayrılması ədalətlilik prinsipinin pozulması kimi qarşılanır. Belə ki, ADA Universitetinin büdcəsi 76 mln. manata bərabərdir və bu universitetdə 1 min tələbə təhsil alır, 26 min tələbənin təhsil aldığı Bakı Dövlət Universitetinin büdcəsi isə cəmi 40 mln. manat təşkil edir. -21C06-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz