Bakı/14.02.20/Turan: Dövlətə xəyanətdə ittiham olunan xeberman.com saytının redaktoru Polad Aslanov "məhkəmədə hüquqlarının pozulması ilə əlaqədar" ombudsman Səbinə Əliyevaya və Məhkəmə Hüquq Şurasının sədri Fikrət Məmmədova müraciət edib.
Həyat yoldaşı Gülmira ASlanovanın verdiyi məlumata görə, Polad məhkəmənin açıq keçirilməsini tələb edir.
"Qapalı məhkəmə prosesi keçirərək mənə qarşı irəli sürülən ittihamın absurd olduğunu gizlətməyə çalışırlar. Fevralın 10-da keçirilən iclasda dövlət sirri ilə bağlı heç bir məlumata toxunulmayıb, amma vəkillərimlə mənim israrlarıma baxmayaraq, proses qapalı rejimdə keçirildi", deyə müraciətdə bildirilir.
Bundan başqa, prosesə sədrlik edən hakim Faiq Qəniyev qərəzlidir, belə ki, uzun müddət Milli Təhlükəsizlik Nazirliyində işləyib.
Aslanov iddia edir ki, həbsinin əsl səbəbi güc qurumlarında korrupsiya haqqında nəşrləridir. Aslanov müdafiə hüququnu təmin etməyə, açıq proses keçirməyə və məhkəmədə mikrofonla danışmasına icazə verməyə çağırır. O, həmçinin dövlətə xəyanət ittihamlarını təkzib edir.
* Polad Aslanov iyunun 12-də saxlanılıb və CM-in 274-cü (dövlətə xəyanət) maddəsi ilə 4 ay müddətinə həbs edilib. İstintaqı Dövlət Təhlükəsizlik Xidməti aparır. Oktyabrın 5-də həbs müddəti 4 ay uzadılıb.
Dekabrda ona qarşı CM-in 134-cü (öldürməklə və ya sağlamlığa ağır zərər vurmaqla hədələmə) maddəsi ilə daha bir ittiham irəli sürülüb. Amma fevralın 10-da bu maddə ilə zərərçəkmiş kimi qəbul edilmiş Dəyanət Babayev şikayətindən imtina edib.
Yerli və beynəlxalq hüquq müdafiə təşkilatları Aslanovun cinayət təqibini pisləyiblər. -06B-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz