Polad Aslanov
Bakı/19.07.21/Turan: 1 saylı cəzaçəkmə müəssisəsində saxlanılan xeberman.com saytının redaktoru Polad Aslanov iyulun 12-də başladığı aclıq aksiyasını bazar günü dayandırıb. Bu barədə Turan-a onun həyat yoldaşı Gülmira Aslanova bildirib.
Onun sözlərinə görə, aksiya Polada qarşı təzyiqə son qoyulması ilə əlaqədar dayandırılıb.
O qeyd edib ki, cəza kamerasında Poladın yanına iki məhbus yerləşdirilib, onlar Aslanova təzyiq göstərirdilər. Onları karserdən çıxardıqdan sonra Polada qarşı təzyiqə son qoyulub.
Gülmira Aslanovanın sözlərinə görə, aksiya boyunca ərinə yalnız Qırmızı Xaç Komitəsinin nümayəndələri baş çəkib.
Bir müddət əvvəl Penitensiar Xidmətin ictimaiyyətlə əlaqələr şöbəsindən Aslanovun aclıq etməsi, ona qarşı təzyiq olması haqqında məlumatın həqiqətə uyğun olmadığını bildirmişdilər.
Xatırladaq ki, Aslanov 2019-cu il noyabrın 16-da İranın xeyrinə dövlətə xəyanət ittihamı ilə 16 il müddətinə azadlıqdan məhrum edilib. O, ittihamı təkzib edib, hüquq-mühafizə orqanlarında korrupsiya haqqında materiallar dərc etdiyinə görə cəzalandırıldığını bildirib.
“Sərhədsiz Reportyorlar” təşkilatı və digər hüquq müdafiə qurumları Azərbaycan hakimiyyətini Polad Aslanovu azad etməyə çağırıb. -06B-
Cəmiyyət
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
-
Azərbaycanda meymunçiçəyi virusuna yoluxma ilə bağlı ilk hal aşkarlanıb. Bu barədə Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) 18 yanvar tarixli birgə məlumatında deyilir.
Rəy yaz