Bakı/15.12.19/Turan: Ötən cümə jurnalist Polad Aslanovun barəsində yenidən istintaq hərəkəti aparılıb. Lakin jurnalist növbəti dəfə müstəntiqə ifadə verməkdən imtina edib. Bu barədə onun həyat yoldaşı Gülmirə Aslanova Facebook səhifəsində bildirib.
Jurnalist imtinanın səbəbini ona qarşı işin sifariş xarakterli olması, müstəntiqin qərəzliliyi ilə izah edib.
"Həbsim sifariş olduğu üçün müstəntiq Kənan Əliyev istintaqı qərəzli aparır,tanımadığım insanların yalan ifadələri əsasında və tanıdığım insanlara ailə üzvləri ilə hədə-qorxu gələrək mənim əleyhimə ifadə verməyə məcbur edir.Bu səbəbdən ifadə verməkdən imtina edirəm", - jurnalist yazaraq qeyd edib.
* Xatırladaq ki, xeberman.com saytının redaktoru Polad Aslanov iyunun 12-də saxlanılıb. Növbəti gün məhkəmə onu 4 ay müddətinə həbs edib. Ona qarşı CM-in 274-cü maddəsi (dövlətə xəyanət) ilə ittiham irəli sürülüb. İstintaqı Dövlət Təhlükəsizliyi Xidməti aparır. Oktyabrın 5-də jurnalistin həbs müddəti daha 4 ay uzadılıb.
Yerli və beynəlxalq təşkilatlar Polad Aslanova qarşı cinayət təqibini pisləyiblər və hesab edirlər ki, onun həbsinin əsl səbəbi jurnalist fəaliyyəti ilə bağlıdır.06B-
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz