Bakı/15.12.19/Turan: Erməni kilsəsinin İstanbul yeparxiyasının yeni seçilmiş patriarxı, yepiskop Saak Maşalyan ABŞ Senatının dekabrın 12-də qəbul etdiyi Osmanlı İmperiyasında erməni soyqırımının tanınması haqqında qətnaməsinə etiraz edib.
Maşalyan Sabah nəşrinə müsahibəsində deyib ki, "100 il əvvəl ermənilərin çəkdiyi iztirablar" Türkiyəyə iqtisadi və siyasi təzyiq alətinə çevrilib.
"Problem haqqında müxtəlif ölkələrin parlamentlərinin deyil, bu torpaqlarda yaşayan insanların danışmasını istəyirik. Ermənistanın Türkiyə ilə münasibətlərinin yaxşılaşmasını istəyirik. Amma bunun yerinə, okeanın o biri tərəfindəki üçüncü ölkələr bizim problemlərimiz haqqında danışır", deyə Maşalyan bildirib.
O, "erməni məsələsindən istifadə edərək, Türkiyəyə basqı göstərmək" cəhdlərini "əxlaq qaydalarına zidd" adlandırıb.
O, 1915-ci il hadisələrinə qiymət verəcək birgə tarixçilər komissiyası yaradılmasının tərəfdarı olduğunu bildirib.
"Erməni icması Türkiyənin həyatına inteqrasiya edib. Bizim ortaq taleyimiz var. Biz 100 il əvvəl baş verənləri unutmuşuq. Bu ölkədə yaşamağa qərar vermişik. Bu, bizi Diasporadan və Ermənistandan ayıran məqamdır. Biz 1915-ci il travmasını yaşamışıq və hansısa üsulla onu sağaltmışıq, bu ölkədə qalmışıq", deyə Maşalyan qeyd edib.
Yeni patriarxın bu bəyanatı İstanbul patriarxı vəzifəsinə Türkiyədən olmayan dini xadimi çəkməyə müvəffəq olmayan Ermənistanda və erməni diasporasında məyusluq doğurub. -02D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz