Polad Aslanov. Açiq mənbələrdən foto.
Bakı/15.06.21/Turan: 1 saylı Cəzaçəkmə Müəssisəsində jurnalist Polad Aslanovu USM və ürəyini Exo-kardioqrafia müayinəsi ediblər. Bu barədə onun həyat yoldaşı Gülmirə Aslanova məlumat verib.
Onun sözlərinə görə, həkim bildirib ki,”sən sağlamsan”.
“Polad Aslanov onlardan USM və Exo müayinəsinin, qan analizlərinin cavablarını tələb edib.Həkim isə bildirib ki, kağızımız qurtarıb.Ona görə ancaq müayinə edə bilirəm,sənəd verə bilmərəm”, - deyə Gülmirə Aslanova davam edib.
O, həkimin dediklərini şübhə altına alıb.
“Beləliklə, 1 saylı Cəza Çəkmə Müəssisəsindən "möcüzə" baş verib.
Ürək-damar xəstəsi olan həyat yoldaşım heç bir tibbi yardım almadığı halda möcüzə nəticəsində "tam sağalıb", - deyə o daha sonar bildirib.
Gülmirə Aslanova Pentensiar Xidmətin rəhbərliyinə müraciət edərək həyat yoldaşının şəxsi hesabına Bakı şəhərində yerləşən ailələsinin seçdiyi klinikaların birində müayinə edilməsinə şərait yaradılmasını istəyib.
2019-cu il noyabrın 16-da xeberman.com saytının təsisçisi Polad Aslanov məhkəmə tərəfindən İranın xeyrinə casusluqda təqsirli bilinərək 16 il müddətinə azadlıqdan məhrum edilib. O, 12 iyun 2019-cu ildə həbs edilib və Cinayət Məcəlləsinin 274-cü maddəsi (dövlətə xəyanət) ilə ittiham olunub. İstintaq iddia edir ki, Aslanov jurnalist həmkarlarını cəlb edərək onları İran xüsusi xidmət orqanları ilə əməkdaşlığa sövq edib.
Jurnalist ittihamı qəbul etmir və jurnalist fəaliyyətinin məhdudlaşıdırılmasına yönəldiyini bildirir.
Sərhədsiz Reportyorlar, Jurnalistləri Müdafiə Komitəsi kimi beynəlxalq hüquq müdafiə təşkilatları Azərbaycan hakimiyyətini jurnalist Polad Aslanovla bağlı ədalətli məhkəmə təhqiqatını təmin etməyə çağırıb. -06В-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz