Polad Aslanov.
Bakı/11.10.22/Turan: Həbsdə olan redaktor Polad Aslanovun həyat yoldaşı Gülmira Aslanova yanvarın 11-də Azərbaycan Dövlət Təhlükəsizliyi Xidməti (DTX) qarşısında təkbaşına etiraz aksiyası keçirib.
O, jurnalistlərə bildirib ki, işinə yenidən baxılması tələbi ilə aclıq aksiyasına başlayan həyat yoldaşına dəstək üçün aksiya keçirir.
"Bu günə qədər yoldaşım aclıq aksiyası edəndə daim onun qarşısnı almağa çalışmışam. Demişəm ki, sənin səhhətinə ziyandır. Amma indi onunla həmrəyəm və onun hüquqları uğrunda sonuna qədər mübarizə aparacağam.
Həyat yoldaşım deyir ki, ""Vətən xaini" damğası ilə yaşamaqdansa, ölsəm yaxşıdır". Mən hər gün buraya gələcəyəm ya da Baş Prokurorluğa gedəcəyəm və etiraz aksiyası keçirəcəyəm", deyə G.Aslanova bildirib.
Daha sonra o, DTX binasına dəvət edilib. Aslanova binadan çıxarkən bildirib ki, onu istintaq idarəsinin rəis müavini qəbul edib.
"Əvvəlcə o, mənim Poladın hüquqlarının pozulması haqqında iddialarımla razılaşmayıb. Amma sonradan bizi vəkil Elçin Sadıqovla birlikdə qəbul etməyə razılaşıb. Sabah biz birlikdə onun yanına gedəcəyik", deyə G.Aslanova bildirib.
Onun fikrincə, işə Ali Məhkəmədən yenidən baxıla bilər.
Bu gün G.Aslanova 1 saylı cəzaçəkmə müəssisəsinə yoldaşı üçün siqaret və su verib.
"Əvvəlcə məndən bağlama qəbul etmək istəmədilər, amma sonra götürdülər. Bu gün Poladın aclıq aksiyası ilə bağlı məlumatım yoxdur, amma o, aclığı dayandırsaydı, mənə məlumat verərdilər", deyə G.Aslanova bildirib.
Onun sözlərinə görə, elə bu gün Qırmızı Xaç Komitəsinin Bakı Nümayəndəliyindən ona zəng ediblər və aclıq aksiyası barədə KİV-dən öyrəndiklərini deyiblər və Poladın vəziyyəti ilə maraqlanıblar.
* Xeberman.com saytının redaktoru Polad Aslanov 16 noyabr 2019-cu il tarixində İranın xeyrinə dövlətə xəyanət ittihamı ilə 16 il müddətinə azadlıqdan məhrum edilib.
“Sərhədsiz Reportyorlar” və digər hüquq müdafiə qurumları Azərbaycan hökumətini Polad Aslanovu azad etməyə çağırıblar. -16B-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz