Bakı/11.01.22/Turan: Çərşənbə axşamı Türkiyə prezidentinin mətbuat katibi İbrahim Kalın və Ağ Evin milli təhlükəsizlik üzrə müşaviri Ceyk Sallivan Qazaxıstanda vəziyyətin tezliklə normallaşması üzrə səyləri müzakirə ediblər.
"Anadolu" agentliyinin məlumatına görə, Türk Dövlətləri Təşkilatının bu istiqamətdəki səyləri qeyd edilib.
Eyni zamanda, Türkiyə-Amerika münasibətləri və regional məsələlər müzakirə olunub. Xüsusən, tərəflər Ankara və Vaşinqton arasında siyasi və iqtisadi əlaqələrin perspektivləri, habelə müdafiə sahəsində əməkdaşlığın genişləndirilməsi perspektivləri haqqında fikir mübadiləsi aparıblar.
Türkiyə tərəfi Ukrayna böhranının dialoq və qarşılıqlı fəaliyyət yolu ilə tənzimlənməsi zərurətini qeyd edib və Ankaranın buna əlindən gələn köməyi etməyə hazır olduğunu bildirib. Türkiyənin Ukraynanın ərazi bütövlüyünün qorunub saxlanmasına verdiyi əhəmiyyət vurğulanıb.
Türkiyə və Ermənistan arasında münasibətlərin normallaşması prosesinə toxunulub. Azərbaycan və Ermənistan arasında daimi sülhün bərqərar olmasının regionda sabitliyə və tərəqqiyə şərait yaradacağı vurğulanıb. -16D-
Siyasət
-
İstanbul Universitetinin dioktorantı, 146 gündür həbsxanada aclıq edən Fazil Qasımov quru aclığa keçəcəyini bildirib. Bu barədə onun ailəsi noyabrın 5-də Fazil Qasımov ilə telefon danışığından sonra “Amerikanın səsi”nə bildirib.
-
Dini xeberman.com saytının təsisçisi, noyabrın 4-də koloniyada aclıq elan edən Polad Aslanov həmin gün axşam məcburi qaydada Penitensiar Xidmətin müalicə müəssisəsinə köçürülüb. Bu barədə Turan-a onun xanımı Gülmirə Aslanova bildirib.
-
Ukraynanın Azərbaycandakı səfirliyi bildirir ki, 9 noyabr 2024-cü il saat 12:00-da Bakıda Ukrayna Mərkəzinin açılışı olacaq. Əvvəlcə Azərbaycanda Ukrayna mədəniyyətini, dilini, irsini və təhsilini təbliğ etmək üçün yaradılmış Ukrayna Mərkəzi təmir edilib və genişləndirilib.
-
1 saylı Bakı İstintaq Təcridxanasında fəal Nicat İbrahimin vəziyyəti kəskin pisləşib. Bu barədə Turan-a onun xanımı Pərvanə İbrahim bildirib.
Rəy yaz