Açiq mənbələrdən foto.
Bakı/12.01.22/Turan: Yanvarın 6-dan 1 saylı koloniyada aclıq edən Polad Aslanovda əsəb tutmaları başlayıb və dil qatlanması baş verir. Bu barədə onun xanımı Gülmirə Aslanova yanvarın 12-də Turan-a bildirib.
Onun sözlərinə görə, Polad danışa və müstəqil hərəkət edə bilmir. Bu barədə ona qeyri-rəsmi mənbələr bildiriblər, çünki telefonla əlaqə saxlamağa icazə verməyiblər.
Aslanova Ombudsman Aparatına müraciət edib, onu əmin ediblər ki, həyat yoldaşı tibb işçilərinin nəzarəti altındadır.
Öz növbəsində, Ombudsman Aparatından Turan agentliyinə bildiriblər ki, qurumun nümayəndələri Aslanova baş çəkiblər və başçəkmənin yekunlarına dair məlumat veriləcək.
Bu gün Gülmirə Aslanovanı Dövlət Təhlükəsizliyi Xidmətinin İstintaq İdarəsində təkrar qəbul ediblər. Bu dəfə vəkil Elçin Sadıqov da onunla gedib. Lakin görüş nəticəsiz qalıb.
Aslanovanın sözlərinə görə, Dövlət Təhlükəsizlik Xidmətinin nümayəndəsi bildirib ki, bu iş üzrə hökm qanuni qüvvəyə minib. Hazırda iş baxılmaq üçün Azərbaycan Ali Məhkəməsindədir və məhkəmənin işinə müdaxilə etmək mümkün deyil.
"Vəkil və mən Poladın hüquqları ilə bağlı çoxsaylı pozuntuları qeyd etdik: "dövlətə xəyanət" maddəsi üzrə günahına sübutun olmaması. Həmçinin dedik ki, Azərbaycan reallığında Dövlət Təhlükəsizliyi Xidməti məhkəmələrin qərar qəbul etməsinə təsir göstərmək vasitələrinə malikdir", - Aslanova deyib.
O həmçinin qeyd edib ki, bu səhər həyat yoldaşı koloniyadan zəng etməliydi.
“İndiyə qədər zəng etməyib. Ya ona zəng etməyə icazə verməyiblər, ya da səhhətində ciddi problemlər var, danışa bilmir. Mən Qırmızı Xaç Komitəsinin Bakı ofisinə telefon edim. Lakin onlar koloniya rəhbərliyinə zəng edəcəklərini vəd etdilər və dedilər ki, bu gün Polada baş çəkə bilməyəcəklər", - Aslanova deyib.
Polad Aslanov həbsdən azad olunması və şikayətinə Ali Məhkəmədə baxılmasının sürətləndirilməsi tələbilə aclıq edir.
*Xeberman.com saytının redaktoru Polad Aslanov 16 noyabr 2019-cu ildə mühakimə olunub və İranın xeyrinə dövlətə xəyanət ittihamı ilə 16 il müddətinə azadlıqdan məhrum edilib. “Sərhədsiz reportyorlar" və digər hüquq- müdafiə təşkilatları Azərbaycan hakimiyyətini Polad Aslanovu azad etməyə çağırıblar. 06B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz