Bakı/26.01.18/Turan: Yanvarın 25-də polis ümumi çəkisi 12 kiloqrama yaxın müxtəlif növ narkotik vasitə, o cümlədən 2 kiloqramdan artıq heroin, 8,5 kiloqramdan çox tiryək və 1,3 kiloqrama yaxın marixuana götürüb.
Daxili İşlər Nazirliyinin məlumatına görə, Bakının Yasamal Rayon Polis İdarəsinin 27-ci polis bölməsi Bakı şəhər sakini Ağakərim Axundovdan 1 kiloqram 671 qram heroin, Biləsuvar rayon polis şöbəsi Cəlilabad rayon sakini Zaur Məmmədovdan 8 kiloqram 520 qram tiryək, Quba rayon polis şöbəsi Zərdabi kənd sakini Yadigar Əlizadədən 321 qram heroin, Mingəçevir şəhər polis şöbəsi Bakı şəhər sakini Vurğun Abdulovdan 453 qram, Zaqatala rayon polis şöbəsi rayon sakini Elgüc Ağaməmmədovdan 456,9 qram marixuana aşkar edərək götürüb.
Saxlanılan şəxslər götürülmüş maddi sübutlarla birgə istintaqa təhvil verilib. Faktlarla bağlı cinayət işləri başlanılıb.-03D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz