![Açiq mənbələrdən foto.](https://turan.az/resized/media/2021/main/052600033398-750-500-resize.webp)
Açiq mənbələrdən foto.
Polis 62 kiloqram narkotik vasitə götürüb
Bakı/26.05.21/Turan: Polis son sutkada 62 kiloqram narkotik vasiətini dövriyyədən çıxarıb.
Daxili İşlər Nazirliyinin məlumatına görə, nazirliyin Baş Narkotiklərlə Mübarizə İdarəsinin Şəmkir Rayon Polis Şöbəsi narkotik vasitələrin satışı ilə məşğul olmaqda şübhəli bilinən rayon sakini Mütəllim Xəlilovu saxlayıb. Onun üzərindən qurudulmuş marixuana, yaşadığı kəndin dağlıq sahəsindən satmaq məqsədi ilə əkib-becərdiyi 94 ədəd çətənə kolu aşkar edilib.
Əməliyyat tədbirlərinin davamı olaraq Mütəllim Xəlilovun yaxın əlaqələri də yoxlanılıb və onun tanışları - Gəncə şəhər sakini Yusif Orucov və həmyerlisi Əbülfəz İsmayılovun saxlanılması təmin edilib.
“Baxış zamanı Yusif Orucovdan 7 ədəd kibrit qutusunda satmaq məqsədi ilə qablaşdırılan marixuana aşkar edilib. Əbülfəz İsmayılovdan 4 ədəd odlu silah, o cümlədən “AKM” və “AKS” markalı avtomatlar, 1 ədəd “TOZ-16” markalı karabin, 1 ədəd “MP-155” markalı ov tüfəngi, həmin silahlara məxsus 2 ədəd sandıqça və 36 ədəd patron aşkar olunaraq götürülüb.”
Baş İdarənin əməkdaşları tərəfindən Abşeron rayonu Xırdalan şəhərində həyata keçirilən növbəti əməliyyat nəticəsində Gəncə şəhər sakini Novruz Verdiyev narkotik vasitələrin satışında şübhəli bilindiyi üçün saxlanılıb. Onun üzərindən və yaşadığı evdən ümumi çəkisi 32 kiloqrama yaxın narkotik vasitə, o cümlədən 23 kiloqram 435 qram heroin, 6 kiloqram 400 qram tiryək, 2 kiloqrama yaxın metamfetamin və 1 ədəd elektron tərəzi aşkar edilib.
Baş İdarə əməkdaşlarının Abşeron rayonunda həyata keçirdikləri digər bir əməliyyat nəticəsində Masazır qəsəbəsində yaşayan Elmin Quliyev saxlanılıb. Onun üzərinə baxış zamanı 2 kiloqram 415 qram heroin, 3 kiloqram 145 qram metamfetamin 470 qram tiryək, 3 ədəd elektron tərəzi və 4400 ABŞ dolları məbləğində saxta pul əsginasları aşkar olunaraq götürülüb.
Baş İdarə əməkdaşları tərəfindən keçirilən sonuncu əməliyyat tədbiri zamanı isə paytaxt sakini Hümmət Səlimanov saxlanılıb.
Belə ki, Binəqədi qəsəbəsində yaşayan Hümmət Səlimanovun evinin zirzəmisində yetişdirdiyi ümumilikdə 103 ədəd çətənə bitkisinin kolları və şitilləri, eləcə də 850 qram qurudulmuş marixuana aşkar edilərək götürülüb.
Baş İdarənin əməkdaşları tərəfindən ümumilikdə 62 kiloqramdan artıq narkotik maddə, o cümlədən 197 ədəd çətənə kolu, 4 ədəd odlu silah və 36 ədəd patron aşkar olunub.
Tovuz Rayon Polis Şöbəsi isə kultivasiya yolu ilə becərilən 1180 ədəd çətənə kolu aşkar edərək məhv edib. -03-
-
- Siyasət
- 26 May 2021 17:55
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz