Bakı/25.03.19/Turan: Martın 24-də günorta saatlarında Bakının mərkəzində, Fəvvarələr bağında bir qrup fəal şəhər sakinlərinin vərəmə yoluxmaqdan qorunma qaydaları ilə tanış edilməsi aksiyası keçirməyə cəhd edib.
Aksiya Qırmızı Aypara Cəmiyyəti, "Həyat" Beynəlxalq Humanitar təşkilatı və "Sağlamlığa yardım" ictimai təşkilatı tərəfindən planlaşdırılmışdı. Sonuncu təşkilat Ədliyyə Nazirliyində yerləşir, Penitensiar Xidmətlə əməkdaşlıq edir, azadlığa çıxan vərəm xəstələrinin sağlamlığına nəzarət proqramını icra edir.
Aksiya iştirakçıları "Vərəmə yox deyək" və "Vərəmsiz gələcək gələcək" şüarları yazılan plakatlarla şəhər sakinlərinə yaxınlaşır, onlara bukletlər təklif edir və sağlamlıqlarının mühafizəsi üçün sadə metodların bilinməsi zərurətini izah edirdilər.
Amma polis tədbiri dayandırıb, fəallara hakimiyyətlə razılaşdırılmamış aksiya keçirilməsinin yolverilməz olduğunu bildirib. Polis hansı qurumdan və hansı icazənin alınmalı olduğunu izah etməyib.
Vərəm əleyhinə sosial reklamın aktuallığı ölkədə bu xəstəliyin yayılması ilə izah olunur. Azərbaycan MDB ölkələri arasında vətəmdən müdafiə haqqında məlumatlılıq məsələsində də ən pis mövqeyi tutur.
QHT-lər Koalisiyası vərəm səviyyəsi yüksək olan ölkələrdə həyata keçirilən beynəlxalq TB-REP proqramı ilə əməkdaşlıq edir. Azərbaycanın regionlarında Koalisiyanın fəaliyyəti uğurlu olub, burada fəallar kampaniyalar keçirir, Milli Məclisin deputatları ilə görüşürdülər.
Martda Milli Məclisdə dinləmələr zamanı Ədliyyə Nazirliyinin Baş Tibb İdarəsinin rəisi Rəfael Mehdiyev bildirib ki, 2018-ci ildə penitensiar müəssisələrdə vərəmdən ölüm halları 1995-ci illə müqayisədə 126 dəfə, 2005-ci illə müqayisədə 11 dəfə, 2015-ci illə müqayisədə isə 2 dəfə azalıb.
Mehdiyev qeyd edib ki, bu il nazirliyin müalicə müəssisələrində üç məhbus vərəm, hepatit və QİÇS-dən dünyasını dəyişib. -0-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz