Bakı/25.03.19/Turan: Turan informasiya agentliyi Türkiyə bürosunun xəbərinə görə, bu sözləri agentliyin suallarını cavablandırarkən Türkiyənin kənd təsərrüfatı və meşə naziri Bekir Pakdemirli deyib.
Bursanın Uludağ qəsəbəsində keçirilən Vİİİ İqtisadiyyat Zirvə toplantısının fasiləsində Turan agentliyinin "Kənd təsərrüfatı sahəsində Türkiyədə ciddi islahatlar aparırsınız.Azərbaycanın da ciddi islahatlara ehtiyacı var.
Məsləhətləşmələr aparırsınızmı?"- sualını nazir Pakdemirli bu sözlərlə cavablandırıb: "Əlbəttə ki, məsləhətləşmələr aparırıq.Təxminən 2 ay əvvəl Azərbaycana getmişdim.Dost və qardaş ölkə kimi Azərbaycan bizim üçün beynəlxalq səviyyədə məlumatlarımızı və təcrübələrimizi bölüşə biləcəyimiz ən birinci ölkədir.Biz Azərbaycana dedik ki, 7 gün-24 saat, hansı məsələ ilə bağlı istəsəniz, bizə müraciət edin,biz dost və qardaş ölkə üçün həmişə əlimizdən gələn köməyi edərik.Bizim sözümüz havada qalmadı,bir çox məsələ ətrafında mütəxəssislərimiz fikir mübadiləsi aparır.Azərbaycandakı problemlərdən xəbərdarıq, o problemlərlə bağlı diaqnozlarımızı və o problemlərin həlli yollarını müəyyənləşdirmişik.Qardaş ölkənin kənd təsərrüfatının inkişaf etdirilməsi üçün bizim üstümüzə düşən addımları atırıq"
Turan agentliyinin "Türkiyə 1990-cı illərindən əvvəlindən Naxçıvanda kənd təsərrüfatının inkişafına dəstək verib.Siz də o siyasəti davam etdirəcəksinizmi?"- sualını isə kənd təsərrüfatı və meşə naziri Bekir Pakdemirli "Biz Azərbaycanla olan münasibətlərimiz çərçivəsində Naxçıvanda da kənd təsərrüfatının inkişafına çalışırıq.Bizdən nə tələb edilsə, təbii ki, kömək edəcəyik.Təbii ki, ilk növbədə, Türkiyənin kənd təsərrüfatını inkişaf etdirməyə çalışırıq.Ancaq dost və qardaş ölkələrdən gələn hər cür tələbə də müsbət cavab verməyə hazırıq"- sözləriylə cavablandırıb.
Bekir Pakdemirli 1980-90-cı illərdə Türkiyənin tanınmış siyasətçilərindən biri olmuş Ekrem Pakdemirlinin oğludur.2018-ci ilin iyulunda prezident Erdoğan tərəfindən kənd təsərrüfatı və meşə naziri təyin edilənə qədər istilik yoluyla tərəvəz yetişdirlən şirkətin baş direktoru olub.-0-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz