Elçin Məmmədov
Bakı/19.12.23/Turan: İctimai fəal və hüquq müdafiəçisi Elçin Məmməd "xuliqanlıqda" şübhəli bilinir, o, Fuad Hüseynov adlı şəxsi döyməkdə ittiham olunur. Bu barədə Elçin Məmmədin rəhbərlik etdiyi Sumqayıt Gənclərinin Hüquq Maarifləndirilməsi İctimai Birliyi bildirib.
Dekabrın 18-də polis bir neçə dəfə onun evinə gedərək istintaqla əlaqədar polisə gəlməsini tələb edib.
"Polis bildirib ki, bu ilin yayında o, hansısa Fuad Hüseynova fiziki təzyiq göstərib və Hüseynov şikayət edib. Polis işin istintaq idarəsinə verildiyini bildirib", - məlumatda deyilir.
Lakin polisin göstərdiyi vaxt Elçin Məmmədov müalicə məqsədilə Gürcüstanda olub və müalicə hələ də davam edir.
"Odur ki, həmin vaxt kimisə döyə bilməzdi, materialların istintaqa verilməsi ona qarşı cinayət işinin açılacağı və istənilən vaxt həbs oluna biləcəyi deməkdir.
Bütün bunlar Azərbaycanda jurnalistlərin və fəalların son həbsləri fonunda baş verir.
Keçmiş siyasi məhbus Elçin Məmmədov hüquq müdafiəçisi kimi siyasi motivli həbsləri tənqid edib. Hazırda Azərbaycanda insan hüquqları ilə bağlı vəziyyətə dair hesabat üzərində işləyir", - məlumatda deyilir.
Daxili İşlər Nazirliyindən şərh almaq mümkün olmayıb.
*Elçin Məmmədov 2020-ci ilin martında "silah-sursat oğurlamaq" və "qanunsuz saxlamaq" ittihamı ilə həbs edilib. O, ittihamları rədd edib və işin onun hüquq-müdafiə fəaliyyətilə əlaqədar saxtalaşdırıldığını bildirib.
16 oktyabr 2020-ci ildə Məmməd silah oğurluğu və qanunsuz saxlama ittihamı ilə dörd il həbs cəzasına məhkum edilib. Yerli hüquq müdafiəçiləri və beynəlxalq təşkilatlar, o cümlədən Amnesty International, "Söz azadlığı uğrunda Kanada jurnalistləri" (Canadian Journalists for Free Expression, CJFE) və başqaları onun müdafiəsinə qalxıblar. Bu ilin martında Azərbaycan prezidenti tərəfindən əfv edilib. – 06B-
Cəmiyyət
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
Rəy yaz