Bakı/12.02.20/Turan: Müsavat Partiyasının mətbuat xidmətinin rəhbəri və “Basta” saytının redaktoru Mustafa Hacıbəyli fevralın 12-də Binəqədi Rayon Polis İdarəsinə çağırılıb.
M.Hacıbəyli Turan-a bildirib ki, onu idarənin rəis müavini qəbul edib. “O, mənə dedi ki, orada-burada yazırsan ki, polis tərəfindən sənə zorakılıq olub. Elə hal olmayıb və polis sənə təzyiq göstərməyib”, -M.Hacıbəyli danışıb.
10 dəqiqədən sonra onu sərbəst buraxıblar.
Xatırladaq ki, fevralın 11-də MSK-nın qarşısında mitinq zamanı M.Hacıbəyli döyülərək saxlanılıb və Binəqədi rayonu 5-ci polis bölməsinə aparılıb. Orada hüquq pozuntusuna yol verməsi barədə protokol imzalamağa məcbur ediblər. Bundan öncə üç polis işçisi onu polisə apararkən yolda maşında döyüblər.–06D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz