Açiq mənbələrdən foto.
Bakı/11.11.22/Turan: Bakı Şəhər İcra Hakimiyyətinin binası qarşısında toplaşmaq azadlığının məhdudlaşdırılmasına etiraz əlaməti olaraq təyin edilmiş etiraz aksiyası saat 16.00 radələrində başlayıb.
Amma polis qüvvələri aksiya iştirakçılarını hələ metronun "İçəri Şəhər" stansiyasının qarşısındakı bağda amansızlıqla saxlamağa başlayıb.
Vaxtaşırı bağda "Azadlıq!", "İstefa!", "Azadlıq, ədalət, milli hökumət!" və s. şüarlar səsləndirən etirazçılar görünür.
Onlar saxlanılır və barmaqlıqlı pəncərələri olan xüsusi avtobuslara mindirilir. Amma saxlanılanlar avtobuslarda şüarlar səsləndirməyə davam edirlər.
Polis amansız davranır, jurnalistlərin çəkiliş aparmasına maneə yaradır.
Onlarla insan saxlanılıb.
Aksiya Azərbaycan Xalq Cəbhəsi Partiyası tərəfindən toplaşmaq azadlığının təmin edilməsi, quru sərhədlərin açılması, siyasi məhbusların azad edilməsi, azad seçkilər keçirilməsi və demokratik islahatlar aparılması tələbi ilə təşkil olunub. 06В
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz