Açiq mənbələrdən foto.
Bakı/11.11.22/Turan: Bu gün günorta saat 12-də Müsavat Partiyasının mətbuat katibi, "Basta" portalının baş redaktoru Mustafa Hacıbəyli evinin qarşısında polis tərəfindən saxlanılıb və Bakının Binəqədi Rayon Polis İdarəsinin 5-ci polis bölməsinə aparılıb. "Mülki geyimli iki nəfər yaşayış evinin blokunun qarşısında məni gözləyirdi, dedilər ki, polis rəisi məni dəvət edir, onun yanına getməliyik", deyə Hacıbəyli Turan Agentliyinə bildirib.
Polislərdən biri kapitan rütbəli idi, adı Elvin idi. O, Hacıbəylinin saxlanılmasının gözlənilən mitinqlərlə əlaqəsi haqqında sualına inkar cavabı verib və əlavə edib ki, rəis görüşə dəvət edir. Avtomobil polis maşını deyildi.
Rəis Cavid İsmayılzadənin kabinetində görüş iştirakçıları salamlaşıblar. Bundan sonra İsmayılzadə kapitana Hacıbəylini evinə qaytarmağı əmr edib.
"Polis bölməsində mənimlə nəzakətli davranıblar, bununla belə, mənim saxlanılmağım qanun pozuntusu və mənə qarşı təzyiqdir. Bu gün onlarla müxalifətçi polis bölməsinə aparılıb. Düşünürəm ki, bu, Xalq Cəbhəsi Partiyasının bu gün, Müsavat Partiyasının isə noyabrın 15-də nəzərdə tutulan aksiyaları ilə bağlıdır. Müxalifətçilərə psixoloji təzyiq göstərilir ki, onlar etiraz aksiyalarında iştirak etməsinlər", Hacıbəyli belə hesab edir.
Onun sözlərinə görə, bu gün DİN-in mətbuat xidməti şöbəsinin rəisi Elşad Hacıyev ona zəng edib və onun "səhvən" saxlanıldığını bildirib.
E.Hacıyev Turan-ın sualına cavabda Hacızadənnin səhvən saxlanıldığını və sərbəst buraxıldığını təsdiq edib. DİN nümayəndəsi Hacıbəylinin digər müxalifətçilərin nəzərdə tutulan mitinqlərlə əlaqədar saxlanılması haqqında sözlərini təsdiq etməyib. 06В
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz