Polis «Qanun» nəşriyyatında axtarış aparıb və çap məhsullarını götürüb (yenilənib)
Bazar günü polis əməkdaşları yenidən “Qanun” nəşriyyatına axtarışa gəliblər. Bu hərəkətlər bomba axtarışı ilə izah edilsə də yekunda polis bəzi çap məhsullarını və mətbəə avadanlıqlarını götürüb.
Nəşriyyatın sahibi və rəhbəri Şahbaz Xuduoğlu Turan-a bildirib ki, axtarışı paytaxt polisinin cinayət-axtarış şöbəsinin əməkdaşları keçiriblər. Bomba axtarmağa gələnlər nədənsə özləri lə sapyor, bundan əlavə, hal şahidləri gətirməyiblər. Polis çap məhsulları ilə maraqlanıb. Nəşriyyatın bütün otaqlarına və mətbəəyə baxış keçirilib.
Saat 13:30-a yaxın başlayan axtarış saat 17:00-a yaxın başa çatıb.
Ş.Xuduoğlunun sözlərinə görə, polis bildirib ki, “yalnışlıq olub”.
Bununla belə, polislər hələ çap edilməyən kitabların bir hissəsini - “yarımfabrikat” adlanan məhsulları, qəlibləri götürüblər.
Ş.Xuduoğlu hüquq-mühafizə orqanlarının hərəkətini qanunsuz adlandırıb, çünki axtarış barədə heç bir sanksiya təqdim edilməyib.
O, axtarışın və çap məhsullarınn götürülməsinin səbəblərini bilmir. Çünki son vaxtlar mətbəədə ancaq bədii və hüquqi ədəbiyyat çap olunur.–06В--
2016 İyun 11 (Şəmbə) 20:36:08
Saat 19:00-a yaxın Bakı polisinin 20-yə yaxın əməkdaşı “Qanun” nəşriyyatına gəlib. Onlar nəşriyyata bomba qoyulması barədə məlumat daxil olduğunu bildiriblər və axtarışa başlayıblar. Polis binanı əhatəyə alıb. Bu barədə Turan-a “Qanun” nəşriyyatının direktoru Şahbaz Xuduoğlu bildirib.
Onun sözlərinə görə, bütün bunlar şənbə axşamı baş verdiyindən polis gəldiyi zaman gözətçidən başqa heç kim işdə olmayıb. Lakin onu binadan buraxmayıblar ki, bu da Ş.Xuduoğluda narahatlıq yaradıb.
“Əgər bomba axtarırlarsa təhlükəsizlik məqsədilə insanlar binadan çıxarılmalıdır. Polislərin arasında mütəxəssis gözə dəyməyib. Əgər nəşriyyatdan silah və qanundankənar nəsə tapılsa, bilin ki, bunun məsuliyyəti Bakı Şəhər Polis İdarəsinin üzərindədir", - Ş.Xuduoğlu qeyd edib.
Ş.Xuduoğlu özü şəhər hüdudlarından kənardadır.
Qeyd edək ki, 2013-cü ilin oktyabrında “Qanun” nəşriyyatında vergi nümayəndələri tərəfindən axtarış aparılb ki, bu da burada müxalifətdən prezidentiyə namizəd Cəmil Həsənlinin plakatlarının çap edilməsi ilə əlaqədar olub. Bütün bunlar nəşriyyatın üzərinə böyük pul cəriməsinin qoyulması ilə başa çatıb.
Ş.Xuduoğlunun sözlərinə görə, daha mətbəədə qəzet çap edilmir, nəşriyyat yalnız kitab buraxır.
Ş.Xuduoğlu Vətəndaş Həmrəyliyi Partiyasının lideri, keçmiş deputat Sabir Rüstəmxanlının qardaşıdır.
Onun digər qardaşı, hüquq müdafiəçisi Əlövsət Əliyev siyasi mühacirətdədir.—06B--
-
- Foto sessiyalar
- 12 İyun 2016 19:13
-
- Cəmiyyət
- 12 İyun 2016 23:02
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz