Bakı/02.08.19/Turan: Apellyasiya Məhkəməsində 2018-ci ilin iyulunda Gəncədə baş vermiş hadisələrlə bağlı təqsirləndirilən 11 nəfərin işi üzrə prosesdə prokuror müttəhimlərin cəzasını yumşaltmağı təklif edib.
Qeyd edək ki, avqustun 1-də təqsirləndirilənlərin valideynləri prezidentin təhlükəsizlik və hüquq-mühafizə orqanları ilə iş üzrə köməkçisi Fuad Ələsgərovla görüşmək üçün Prezident Administrasiyasına gediblər. Amma onunla şəxsən görüşməyə müvəffəq olmayıblar.
Bu gün həbs edilənlərin valideynləri Bakı Apellyasiya Məhkəməsi qarşısında toplaşaraq, prezident İlham Əliyevə müraciət qəbul ediblər, onu "təqsirsiz insanların cəzalandırılmasına" yol verməməyə çağırıblar.
Bu gün məhkəmə prosesində dövlət ittihamçısı Ceyhun Əliyev çıxış edib.
O bildirib ki, məhkəmə müttəhimlərin təqsirini sübuta yetirib.
Bununla belə, prokuror müttəhimlərə qarşı ittihamı CM-in 315.2-ci (polis nümayəndəsinə qarşı sağlamlıq və həyat üçün təhlükəli olan zor tətbiq etmə) maddəsindən 315.1-ci (polis nümayəndəsinə qarşı zor tətbiq etmə) maddəsinə tövsif etməyi və 220.1-ci (kütləvi iğtişaşların təşkili və ya onlarda iştirak) maddə üzrə ittihamı dəyişdirmədən saxlamağı təklif edib.
Qeyd edək ki, 315.2-ci maddədə 3 ildən 7 ilədək azadlıqdan məhrumetmə cəzası nəzərdə tutulursa, 315.1-ci maddədə 3 ilədək həbs cəzası nəzərdə tutulur.
Bunu nəzərə alaraq, prokuror Maarif Hacıyev, Ruslan Həsənov, Nizami Əkbərov, Toğrul Verdiyev və Seymur Əliyevin cəzasını 5,5 il azadlıqdan məhrumetmə, Şahlar Rzayev, Tural Bayramov, Kamal Məhərrəmov, Araz Həsənov və Orxan Yaqnalıyevin cəzasını 5 ilə qədər, Vaqif Əşrəfovun cəzasını 4,5 ilə qədər azadlıqdan məhrumetmə ilə əvəz etməyi təklif edib.
Birinci instansiya məhkəməsi bu işi üzrə fiqurantları 7,5 ildən 9 ilədək azadlıqdan məhrumetmə cəzasına məhkum edib.
Öz növbəsində, vəkillər müvəkkillərinin təqsirinin sübuta yetirilmədiyini bildirərək, məhkəmədən müttəhimlərə bəraət verməyi xahiş ediblər.
Məhkəmə iclası avqustun 15-də davam edəcək.
* 2018-ci il iyulun 3-də Gəncədə şəhərin o vaxtki icra başçısı Elmar Vəliyevə qarşı sui-qəsd törədilib. Gəncə sakini Yunis Səfərov onu və mühafizəçisini yaralayıb.
Bundan sonra sosial şəbəkələrdə iyulun 10-na Gəncə Administrasiyasının binası qarşısında Vəliyevə etiraz aksiyası təyin edilib.
İyulun 10-da DİN Gəncədə iğtişaş baş verdiyi, iki polis əməkdaşının öldürüldüyü barədə məlumat yayıb. Bunun ardınca dindarlar və digər şəxslər arasında kütləvi həbslər aparılmağa başlayıb.
2019-cu il iyulun 31-də baş prokuror Zakir Qaralov bu idarədə keçirilən müşavirədə bildirib ki, E.Vəliyevə sui-qəsdlə bağlı mütəşəkkil cinayətkar qrupun 29 üzvü cinayət məsuliyyətinə cəlb edilib, 11 nəfər barəsində beynəlxalq axtarış elan edilib.
10 iyul hadisələri ilə bağlı istintaq yekunlaşıb və 60 nəfər barəsində 8 cinayət işi məhkəmələrə göndərilib. Təqsirləndirilən şəxslər müxtəlif müddətli azadlıqdan məhrumetmə cəzalarına məhkum edilib. -21C06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz