Bakı Ağır Cinayətlər Məhkəməsində hakim Eldar Mikayılovun sədrliyi ilə siyasi mühacirətdə olan "Azadlıq" qəzetinin baş redaktoru Qənimət Zahidin qardaşı oğlu və əmisi oğlu - Rüfət və Rövşən Zahidovların işi üzrə proses davam etdirilib.
Bu gün prosesdə prokuror çıxış edib, o, qanunsuz narkotik dövriyyəsində ittiham olunan hər iki müttəhimin 8,5 ol müddətinə azadlıqdan məhrum edilməsini istəyib.
Prokurorun çıxışından sonra prosesdə Rövşən Zahidovun vəkili Bəhruz Bayramov son sözlə çıxış edib. O, müvəkkilinin təqsirsiz olduğunu bildirib və məhkəmədən ona bəraət verilməsini istəyib.
Rüfət Zahidovun vəkili çıxışa hazır deyildi və hazırlaşmaq üçün vaxt istəyib.
Proses iyunun 20-də davam etdiriləcək.
Rüfət və Rövşən Zahidov ötən ilin iyulunda həbs ediliblər. Doğmaları hesab edirlər ki, həbsin əsl səbəbi peyklə yayımlanan "Azərbaycan saatı" verilişinin də rəhbəri olan Qənimət Zahidin müxalif jurnalist fəaliyyətidir. -16D-
Cəmiyyət
-
Azərbaycan rütubətli və soyuq hava şəraitinə hazırlaşır, Bakıda və Abşeron yarımadasında yağış və qar yağacağı proqnozlaşdırılır. Milli Hidrometeorologiya Xidməti güclü şimal-qərb küləyinin gün ərzində tədricən zəifləyəcəyini bildirir.
-
Azərbaycan Xarici İşlər Nazirliyi (XİN) Rusiya İnformasiya və Mədəniyyət Mərkəzinin (Rus Evi) Bakıda qeydiyyata alınması tələbi ilə həmin ölkənin XİN-inə nota göndərib.
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
Rəy yaz