![Prokurorluq ailədə şiddətə reaksiya verməyə başlayıb](https://turan.az/resized/750/500/resize/media/2019/main/102600022666.jpg)
Prokurorluq ailədə şiddətə reaksiya verməyə başlayıb
Bakı/26.10.19/Turan: Bakı Polisi və Prokurorluq sosial şəbəkələrdə ərin arvadı döyməsi, nəticədə qadının xəstəxanaya düşməsi haqqında yayılan xəbərlərlə bağlı məlumat yayıb.
Bakı Şəhər Baş Polis İdarəsinin və şəhər Prokurorluğunun birgə press-relizində oktyabrın 25-də 1983-cü il təvəllüdlü Tanrıverdiyeva Mənzər Rövşən qızının kəsilmiş-deşilmiş xəsarətlə xəstəxanaya yerləşdirildiyi bildirilir.
Faktla bağlı Nəsimi rayon Polis İdarəsində CM-in 126.1-ci (qəsdən sağlamlığa ağır zərər vurma) maddəsi ilə cinayət işi açılıb.
Şahidlər müəyyənləşdirilib və dindirilib, müvafiq ekspertizalar təyin edilib.
Ailə münaqişəsi zəminində qadına bıçaq xəsarəti yetirmək şübhəsi ilə əri Rafail Tanrıverdiyev saxlanılıb.
Müdafiəçinin iştirakı ilə dindirilmə zamanı o, həyat yoldaşına bədən xəsarəti yetirdiyini etiraf edib.
Xatırladaq ki, son zamanlar Azərbaycanda məişət zorakılığı zəminində bir sıra rezonans doğuran cinayətlər baş verib. Əvvəllər hüquq-mühafizə orqanları bu cür cinayətlər haqqında məlumatlara açıq reaksiya vermirdi.
Oktyabrın 20-də Bakıda qadın fəallar məşiət zorakılığına qarşı etiraz aksiyası təşkil ediblər. Onlar hakimiyyətdən qadınları ailədaxili şiddətdən qorumağı tələb ediblər. Amma polis aksiyanı dağıdaraq, təşkilatçıları saxlayıb. -06D-
-
- Cəmiyyət
- 26 Oktyabr 2019 11:47
-
- Partiya sistemi
- 26 Oktyabr 2019 15:26
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz