Açiq mənbələrdən foto.
Bakı/03.09.22/Turan: Polis Bakıdakı özəl psixoloji mərkəzdə azyaşlı uşaqlara qarşı zorakılıq faktları üzrə araşdırmaya başlayıb.
Uşaqlara əziyyət edən mərkəz əməkdaşlarının şəxsiyyəti müəyyən edilib, Daxili İşlər Nazirliyinin mətbuat xidmətindən bildiriblər.
Ötən gün sosial şəbəkələrdə uşaqlara qarşı psixoloji və fiziki zorakılığa dair görüntülər yayılıb.
Azərbaycan Uşaqlar Birliyinin rəhbəri Kəmalə Ağazadənin sözlərinə görə, bu qanunsuz hərəkətlər Bakının Nizami rayonunda yerləşən “Mehnur” psixoloji- loqopedik mərkəzdə törədilib.
Səhiyyə Nazirliyindən bildiriblər ki, Səhiyyə Nazirliyi, Daxili İşlər Nazirliyi, Baş Prokurorluq, Ailə, Qadın və Uşaq Problemləri üzrə Dövlət Komitəsi, ictimai təşkilatlar və digər dövlət strukturlarının nümayəndələrinin iştirakı ilə idarələrarası işçi qrupu videogörüntüləri araşdırmağa başlayıb.--06B---
Cəmiyyət
-
“Azərbaycan Dəmir Yolları” QSC (ADY) yanvarın 3-dən Bakı–Balakən–Bakı marşrutu üzrə sərnişin daşımalarının bərpa olunduğunu elan edib. İlk reyslərdə oturacaqların doluluq səviyyəsi 90%-dən çox olub ki, bu da xidmətə yüksək tələbatın olduğunu göstərir.
-
Azərbaycanın Milli Hidrometeorologiya Xidməti yanvarın 6-na olan hava proqnozunu açıqlayıb. Proqnoza görə, Bakıda və Abşeron yarımadasında dəyişkən buludlu və arabir yağışlı hava şəraiti gözlənilir.
-
Azərbaycan polisi yanvarın 4-də, o cümlədən əvvəlki dövrlərə aid bir cinayət də daxil olmaqla, ümumilikdə 32 cinayətin üstünü açıb. Bu barədə Daxili İşlər Nazirliyi məlumat yayıb.
-
Azərbaycan Milli Hidrometeorologiya Xidməti yanvarın 5-də Bakı, Abşeron yarımadası və bir sıra bölgələrdə gözlənilən güclü küləklərlə bağlı sarı və narıncı xəbərdarlıqlar yayıb.
Rəy yaz