Açiq mənbələrdən foto.
Bakı/01.08.23/Turan: Bu gün Bakı Apellyasiya Məhkəməsində Almaniyadan deportasiya edildikdən sonra həbs olunmuş siyasi fəal Pünhan Kərimlinin işi üzrə ilkin məhkəmə iclası keçirilib. İclasa hakim Cavid Hüseynov sədrlik edib.
Fəalın yaxınları bildiriblər ki, dinləmələrdə Almaniya səfirliyinin nümayəndəsi də iştirak edib.
İclas zamanı Kərimli bir daha bildirib ki, o, narkotik maddə alverilə bağlı cinayət törətməyib.
Apellyasiya Məhkəməsi mahiyyəti üzrə dinləmələri avqustun 15-nə təyin edib
Pünhan Kərimli Azərbaycanda təqiblərlə əlaqədar 2018-ci ilin oktyabrında Almaniyaya mühacirət edib. Lakin Almaniya məhkəməsi ona siyasi qaçqın statusu verilməsi üçün əsas tapmayıb.
2021-ci ilin noyabrında Kərimli Azərbaycana deportasiya edilib və iki ay sonra qanunsuz narkotik maddə alveri ittihamı ilə həbs edilib. Bakı Ağır Cinayətlər Məhkəməsi Kərimlini 6 il müddətinə azadlıqdan məhrum edib. Sonradan Apellyasiya Məhkəməsi həbs müddətini bir il azaldıb.
Mayın 16-da Ali Məhkəmə Kərimlinin kassasiya şikayətini qismən təmin edərək işi təkrar baxılmaq üçün Apellyasiya Məhkəməsinə qaytarıb.
Eyni zamanda, Ali Məhkəmə ona qarşı 234.4.3-cü (külli miqdarda qanunsuz narkotik maddə alveri) maddə ilə irəli sürülən ittiham üzrə "narkotik maddə satışı" ilə bağlı sübutlar müəyyən etməyib. Bu, ittihamın daha yüngül - 234.1-ci maddəyə (satış məqsədi olmadan külli miqdarda qanunsuz narkotik maddə alveri) tövsif ediləcəyinə ümid doğurub. Bu maddə üzrə Kərimlini 3 ilədək azadlıqdan məhrumolunma cəzası gözləyir və o bu müddətin yarısından çoxunu həbsdə keçirib.
Müdafiə tərəfi fəalın tam bəraət almasına israr edəcək.
Hüquq müdafiəçiləri Pünhan Kərimlini siyasi məhbus kimi tanıyıblar. 03b06
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz