Yaxın günlərdə Bakıda və Abşeronda qar yağışı davam edəcək, şimal küləyi əsəcək. Havanın temperaturu gecə -3 dərəcə, gündüz 0 dərəcə civarında olacaq, xəbəri sinoptiklər verib.
Yollar buz bağlayacaq.
Ölkənin rayonlarında da qar yağacağı gözlənilir, dağlıq rayonlarda intensiv olacaq.
Havanın temperaturu -2 -7 dərəcə təşkil edəcək, gündüz +4 dərəcəyə qədər isinəcək.
Dağlıq rayonlarda gecə -9 -14 dərəcə, gündüz -1 -6 dərəcə şaxta olacaq. Yolları buz bağlayacaq.
Əlverişsiz hava şəraiti ilə əlaqədar Bakı yol polisi vətəndaşlara xəbərdarlıq edib.
Binə qəsəbəsindən Mərdəkana, eyni zamanda Buzovna, Zaqulba istiqamətində sürət həddi bütün zolaqlar üzrə endirilərək 60 km/saat müəyyən edilib.
Bakının əsas avtomagistrallarında - Heydər Əliyev prospekti hava limanı istiqamətində, eləcə də Nobel prospekti - Zığ yolu - Hövsan istiqamətində bütün zolaqlar üzrə sürət həddi 20 km/saat aşağı salınıb.
Yol polisi vətəndaşları sürəti aşmamağa, “ABS” tormoz sistemləri ilə təchiz olunmayan köhnə avtomobillərdən istifadə etməməyə çağırır. -16D-
Cəmiyyət
-
Dekabrın 12-də axşam saatlarından etibarən 13-ü səhərə qədər paytaxtda yağış gözlənilir. Ayın 14-də yağış qara çevriləcək, bu barədə Milli Hidrometeorologiya Xidmətinin sinoptikləri məlumat yayıb.
-
Səhiyyə Nazirliyində saxta plastik cərrahların fəaliyyətinin araşdırılması üçün işçi qrup yaradılıb. Bu barədə jurnalistlərə nazir Teymur Musayev bildirib.
-
Dövlət reyestrinə daxil edilməyən dərman vasitəsinin reseptə yazılmasına görə vəzifəli şəxslər (həkimlər) cərimələnəcək. Bunu edən həkimlərə 100-dən 150 manatadək, hüquqi şəxslərə isə 300-dən 400 manatadək cərimə nəzərdə tutulub. Bu, İnzibati Xətalar Məcəlləsinə əlavə kimi təklif edilən yeni -221.12-ci maddədə əksini tapıb.
-
Ölkənin lider mobil operatoru ISO 37001:2016 “Antikorrupsiya idarəetmə sistemi” standartları üzrə sertifikatını uğurla yeniləyib Azercell-in daxili siyasət və prosedurlarının ISO 37001:2016 standartına uyğunluğu, şirkətin fəaliyyətinin şəffaflıq prinsiplərinə əsaslandığı beynəlxalq ekspertlər tərəfindən bir daha təsdiqlənib. Sertifikatlaşma auditini 16 oktyabr 2024-cü il tarixində ABŞ-ın ən böyük akkreditasiya qurumu olan ANAB-ın (ANSI National Accreditation Board) akkreditə etdiyi Türkiyənin Denetik Belgelendirme şirkəti həyata keçirib. Auditin nəticələri Azercell-in antikorrupsiya proqramının bütün tələblərinə cavab verdiyini bir daha sübut edib.
Rəy yaz