Bakı/19.09.19/Turan: Azərbaycan çempionu "Qarabağ" Bakıda Avropa Liqasının qrup mərhələsinin birinci matçında İspaniyanın "Sevilya" klubuna böyükhesabla məğlub olub.
Matç ispanların tam üstünlüyü şəraitində keçib. Birinci hissədə "Qarabağ" nadir hallarda qonaqların qapısına yaxınlaşmağa müvəffəq olub. Bir neçə dəfə fərqlənməsi üçün yaxşı məqamlar olub. Bir halda Abbas Hüseynov sərfəli mövqedən qeyri-dəqiq zərbə vurub. İkinci halda Hayme Romeonun cərimə meydançasından zərbəsindən sonra top qapıya toxunaraq kənara çıxıb.
İkinci hissə "Sevilya"nın tam üstünlüyü ilə keçib.
62-ci dəqiqədə Çiçorito cərimə zərbəsini ustalıqla atıb. 78-ci dəqiqədə Munir kiper ilə təkbətək qalaraq, topu Beqoviçin başı üstündən qapıdan keçirib. 86-cı dəqiqədə Torres öz başı üzərindən dəqiq zərbə vuraraq hesabı daha da artırıb.
Qrupun digər maçında Kiprin "APOEL" komandası öz meydançasında Lüksemburqun "Dyudelanj" komandasına 3:4 hesabı ilə məğlub olub. Oktyabrın 3-də növbəti turda "Qarabağ" Lüksemburq meydançasında bu ölkənin komandası ilə oynayacaq.
"Qarabağ" ardıcıl olaraq altıncı dəfə Avropa kuboklarının qrup mərhələsinə vəsiqə qazanıb. Bundan əvvəl Azərbaycan çempionu dörd dəfə Avropa Liqasında və bir dəfə Çempionlar Liqasında oynayıb. -71D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz