Qarabağ" Çempionlar Liqasının ilk təsnifat mərhələsində rəqibini məğlub etdi

Bakı /18.08.20/ Turan: "Qarabağ" futbol klubu, Çempionlar Liqasının ilk təsnifat mərhələsindəki rəqibi Şimali Makedoniyanın "Selix" klubunu böyük hesabla məğlub etdi.

Azərbaycan çempionları 4: 0 hesabı ilə qalib gəldi. Artıq hesab 11-ci dəqiqədə açıldı. İspaniyalı Jaime Romero cərimə meydançasında dəqiq bir vuruşla xorvatiyalı Filip Ozobiçin ötürməsini məntiqi sonluğa çatdırdı.

Sonra "Qarabağ" a qayıdan haitili  legioneri Donald Gerrierin növbəsi gəldi.  J40 və 52-ci dəqiqələrdə iki dəfə rəqibini məyus etdi.

Qarşılaşmanının hesabını Mahir Emreli tamamladı. O, 80-ci dəqiqədə Ozobiçin ötürməsindən sonra topu bir toxunuşla rəqib qapısına göndərdi.

"Qarabağ" ın növbəti rəqibi "Şerif" (Moldova) - "Fola" (Lüksemburq) cütünün qalibi olacaq.

Xatırladaq ki, UEFA-nın qərarına əsasən, koronavirus pandemiyası ilə əlaqədar olaraq, təsnifat yarışlarının bütün mərhələlərində bir oyun keçiriləcəkdir. "Qarabağ" ilk turun oyununu ev stadionunda keçirdi. Püşkatmaya əsasən, "Qarabağ" ikinci təsnifat mərhələsinin oyununu  da yenə evdə keçirəcək. –71D-