Saxlanılan şairlə bağlı araşdırma aparılır (YENİLƏNİB)

Bu gün saxlanılmış şair Kəramətçöllə bağlı araşdırma aparılır. 

Bu barədə Turana Daxili İşlər Nazirliyin mətbuat xidmətindən məlumat verilib. 

Məlumata görə, K. Böyükçölün kirayədə yaşadığı binanın sakinləri və evin sahibi ərazi üzrə polis bölməsinə müraciət edərək, iki gündür həmin mənzildən səs-küy gəldiyini və bu halın qonşuları ciddi narahat etdiyini bildiriblər. "Hətta qonşulardan biri bir dəfə qapını döyərək onları sakitliyə riayət etməyə çağırıb. Bu zaman Kəramət Böyükçöl həmin qonşunu təhqir edərək onunla dalaşıb. Bu gün ərazi üzrə polis bölməsinin əməkdaşları daxil olan şikayət əsasında həmin ünvana gedib. Sərxoş vəziyyətdə olan Kəramət Böyükçöl saxlanılıb. Hazırda araşdırma aparılır".

*   *   *

2020 Avqust 18 (Çərşənbə axşamı) 22:40:04

Polis publisist və bloqeri evindən aparıb

Bakı/18.08.20/Turan: Bloqer və publisist Kəramet Böyükçöl avqustun 18-də öz evində polis tərəfindən saxlanılıb. O, baş verənləri Facebook səhifəsində birbaşa efirdə nümayiş etdirib.

Kadrlarda polisin onun qapısını döydüyü görünür. Qapını açan ev sahibi onlardan nə lazım olduğunu soruşur. Amma polislər izahat vermədən onu tutub aparırlar.

Paytaxt polisinin mətbuat xidmətindən baş verənləri şərh etməyiblər.

Saxlanılan şəxsə gəlincə, o, sosial şəbəkələrdə və müxtəlif KİV-lərə müsahibəsində hökumətin ünvanına sərt fikirlər səsləndirməklə, tənqidlərlə tanınır.03B-