Bakı/26.08.21/Turan: Ağdamın "Qarabağ" klubu pley-off mərhələsində Şotlandiyanın "Aberdin" klubuna qalib gələrək Avropada yeni klub turniri olan Konfrans Liqasının qrup mərhələsinə vəsiqə qazanıb.
Bakıda 1:0 hesabı ilə qələbədən sonra Qurban Qurbanovun yetirmələri artıq birinci hissədə-8-ci və 18-ci dəqiqədə Tural Bayramov və Kadinin səylərilə rəqib qarşısında ciddi üstünlük qazanıblar.
İkinci hissənin 72-ci dəqiqəsində Abdulla Zubir hesabı 3:0-a çatdırıb.
Ev sahiblərinin təsəlliverici qolunu 91-ci dəqiqədə penalti ilə Fergüson vurub.
Bundan öncə "Qarabağ" qrup mərhələsinə gedən yolda İsrailin “Aşdot” və Kiprin "AEL" komandalarını geridə qoyub.
Azərbaycanın digər nümayəndəsi, ölkənin sonuncu çempionu olan Bakının "Neftçi” klubu İsrailin “Makkabi Hayfa” klubu ilə 3:3 hesabı ilə ev matçından sonra səfərdə 0:4 hesabı ilə məğlub olub və avrokuboklarda iştirakını dayandırıb.
Xatırladaq ki, Azərbaycan Avropa mövsümünə dörd klubla başlayıb. "Sumqayıt" və "Keşlə" ilk matçlardan sonra Konfrans Liqasından çıxıblar. –71D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz