Qarabağ münaqişəsi ilə bağlı açıq qalan suallar – Zərdüşt Əlizadə "Çətin sual" qarşısında -Canlı

Bakı/14.04.21/Turan: Aprelin 13-də ADA Universitetində "Cənubi Qafqaza yeni baxış: münaqişədən sonra inkişaf və əməkdaşlıq" adlı konfransda çıxış edən Prezident İlham Əliyev Dağlıq Qarabağ münaqişəsi ilə bağlı bildirib ki, atəşkəs əldə olunmasına baxmayaraq, münaqişə ilə bağlı çoxlu suallar qalmaqdadır.  

“Biz münaqişədən sonrakı mərhələ barədə danışmazdan əvvəl başa düşməliyik ki, bu ərazilər 30 ildir işğal altındadır. Biz xatirələri, ailə üzvlərini itirən insanların və həmin ərazilərdə fundamental yaşamaq hüququ olan insanların bu hüquqdan məhrum edilməsini yaddaşlardan silə bilmərik”.

44 günlük II Qarabağ savaşından sonra İlham Əliyev  bu barədə danışanda hər dəfə münaqişənin bitdiyini qeyd edirdi. İndi bu açıqlamanın verilməsi maraq doğurur.

Prezident eyni zamanda müharibədən sonrakı vəziyyəti “çox kövrəkdir” deyə dəyərləndirib: “Atəşkəsə riayət olunmasına baxmayaraq, münaqişədən sonrakı inkişafla bağlı hələ çox məsələlər var”.Prezident belə deyib.

Qarabağ münaqişəsinin həlli ilə bağlı açıq qalan suallar, eləcə də münaqişədən sonrakı inkişafla bağlı həll olunmalı məsələlər barədə politoloq Zərdüşt Əlizadə bu gün saat 15:00-da Kamran Mahmudovun təqdimatında yayımlanan“Çətin sual” verilişində danışacaq.