Xəzərin Qazaxıstan sektorunda Kaşaqan yatağında ilk neft barelləri çıxarılıb, bu barədə North Caspian Operating Company (NCOC) konsorsiumunun mətbuat xidməti məlumat yayıb.
Bir müddət əvvəl Kaşaqanda neft hasilatının sentyabrın 9-da başlayacağı bildirilmişdi. Kaşaqan Xəzərdə ən böyük neft-qaz yatağıdır. Geoloji ehtiyatları 4,8 milyard ton neft olaraq qiymətləndirilir. Ümumi neft ehtiyatları 38 milyard barel, onlardan çıxarılan həcm 10 milyard barel təşkil edir. Kaşaqanda həmçinin böyük – 1 trilyon kubmetrdən çox təbii qaz ehtiyatları var.
2000-ci ildə kəşf edilmiş yataqda neft hasilatına hələ 2005-ci ildə başlamaq planlaşdırılırdı. Layihəyə investisiyaların ümumi məbləği 10 milyard dollar təşkil edib. Lakin çoxsaylı texniki problemlər müddətin təxirə salınmasına gətirib çıxardı və layihənin dəyərini 40 milyard dollara qədər artırdı.
Layihədə “Kazmunayqaz”, İtaliyanın Eni SpA, Amerikanın ExxonMobil Corp., Britaniya-Niderlandın Royal Dutch Shell PLC, Fransanın Total SA və Yaponiyanın İnpex şirkətləri iştirak edir. Sentyabrın 7-də məlum olub ki, layihədə 8,33%-lik payı Çinin CNPC şirkəti “Kazmunayqaz”dan alıb. Bir müddət əvvəl KMQ rəhbəri 2013-cü ildə Kaşaqanda 1,5-3 milyon ton həcmində neft hasilatının planlaşdırıldığını bildirmişdi, xəbəri “Novosti-Kazaxstan” saytı yayıb.
Kaşaqandan hasil edilən neftin Novorossiysk limanı vasitəsilə ixrac ediləcəyi gözlənilir. -02D-
Cəmiyyət
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
Rəy yaz