Qənimət Zahidin qardaşı oğlu və əmisi oğlunun məhkəməsi başlayır
Fevralın 19-da saat 14-də Bakı Ağır Cinayətlər Məhkəməsində Rüfət və Rövşən Zahidovların cinayət işi üzrə məhkəmənin hazırlıq iclası olacaq. Rüfət Zahidov hazırda mühacirətdə olan “Azadlıq” qəzetinin baş redaktoru, “Azərbaycan Saatı” televiziya proqramının rəhbəri Qənimət Zahidin qardaşı oğlu, Rövşən Zahidov isə əmisi oğludur. Bu barədə vəkil Bəhruz Bayramov Turan-a bildirib.
Rüfət və Rövşən Zahidovlar 2015-ci ilin iyulunda həbs edilib. Onlara qarşı Cinayət Məcəlləsinin 234.4.1 (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma-qabaqcadan əlbir olan bir qrup şəxs təəfindən törədildikdə) və 234.4.3 maddələri (külli miqdarda törədildikdə) ilə ittiham olunur. İttihamlar sübut olunsa hər iki şəxsi 5 ildən 12 ilədək həbs gözləyir.
Qənimət Zahid qohumlarının həbsini siyasi sifariş hesab edir. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz