Qida Təhlükəsizliyi Agentliyi “quş qripi”nə qarşı monitorinq keçirir
Bakı/08.01.24/Turan: Yanvarın 8- 12-də Azərbaycan Qida Təhlükəsizliyi Agentliyi ölkə ərazisində “quş qripi” xəstəliyinə qarşı növbəti epizootoloji monitorinqlər keçirir.
Agentliyin məlumatında deyilir ki, ovçuluq təsərrüfatlarında, milli parklarda, sahilyanı zonalarda vəhşi quşların ümumi müşahidəsi aparılacaq, xəstəliyin törədicilərini aşkar etmək üçün onların ovlanması həyata keçiriləcək.
Bundan əlavə, quşçuluq təsərrüfatlarında və müəssisələrində monitorinqlər aparılacaq, laborator müayinələrin aparılması üçün diaqnostik nümunələr götürüləcək.
Monitorinqlərdə Qida Təhlükəsizliyi Agentliyi, Kənd Təsərrüfatı Nazirliyinin Baytarlıq Xidməti Mərkəzi, Ekologiya və Təbii Sərvətlər Nazirliyinin Bioloji Müxtəlifliyin Qorunması Xidməti və Səhiyyə Nazirliyinin Təhlükəli İnfeksiyalara Nəzarət Mərkəzinin əməkdaşları iştirak edəcəklər.
Monitorinq zamanı quduzluq və xırdabuynuzlu heyvanlarda taun xəstəlikləri üzrə müşahidələr aparılması nəzərdə tutulur.–03В06-
Cəmiyyət
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
Rəy yaz