Dövlət Sərhəd Xidməti 2023-cü ilin dekabr ayı üçün hesabat verib
Bakı/08.01.24/Turan: 2023- cü ilin dekabrında sərhədçilər Azərbaycanın dövlət sərhədini pozduğuna görə 41 nəfəri saxlayıblar: 20 nəfər Azərbaycan vəətndaşı, 6 - Pakistan, 7- İran, 3 - Hindistan, 2 - Əlcəzair, 1 - Tacikistan, 1- Gürcüstan və 1- Türkiyə.
Dövlət sərhədini saxta sənədlərlə keçməyə cəhd edən 22 nəfər qanunsuz miqrasiyaya qarşı mübarizə çərçivəsində saxlanılıb.
Sərhəd rejimi qaydalarının pozulmasına görə 834 nəfər saxlanılıb, onların barəsində müvafiq tədbirlər görülüb.
Cinayətkarlığa qarşı mübarizə tədbirləri nəticəsində Azərbaycan hüquq-mühafizə оrqanları tərəfindən axtarışda оlan 404 nəfər saxlanılaraq aidiyyatı оrqanlara təhvil vеrilib, ölkədən çıxışı qadağan olunan 419 nəfərin ölkəni tərk etməsinin, girişi qadağan olunan 16 nəfərin Azərbaycana daxil olmasının qarşısı alınıb.
155 kiloqram narkоtik vasitə dövriyyədən çıxarılıb. 2 milyon 357 min manat məbləğində qaçaqmal götürülüb. -0-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz